ਨਿਊਯਾਰਕ, 8 ਫਰਵਰੀ (ਰਾਜ ਗੋਗਨਾ)- ਹਰ ਕੋਈ ਹੀ ਜਾਣਦਾ ਹੈ ਕਿ ਅਮਰੀਕਾ ਦੁਨੀਆ ਦਾ ਸਭ ਤੋਂ ਸ਼ਕਤੀਸ਼ਾਲੀ ਦੇਸ਼ ਹੈ। ਹੁਣ ਇਸ ਵੇਲੇ, ਇੱਥੋਂ ਦੇ ਲੋਕ ਆਂਡਿਆਂ ਨੂੰ ਲੈ ਕੇ ਬਹੁਤ ਚਿੰਤਤ ਹਨ।ਅਤੇ ਅੰਡੇ ਚੋਰੀ ਦੇ ਮਾਮਲੇ ਵੀ ਸਾਹਮਣੇ ਆਉਣੇ ਸ਼ੁਰੂ ਹੋ ਗਏ ਹਨ। ਅਮਰੀਕਾ ਦੇ ਪੈਨਸਿਲਵੇਨੀਆ ਰਾਜ ਦੇ ਇੱਕ ਸ਼ਹਿਰ ਵਿੱਚ ਅੰਡੇ ਚੋਰੀ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਇੱਕ ਡਿਲੀਵਰੀ ਰਿਟੇਲਰ ਤੋਂ ਲਗਭਗ ਇੱਕ ਲੱਖ ਅੰਡੇ ਚੋਰੀ ਹੋ ਗਏ। ਪੁਲਿਸ ਨੇ ਮਾਮਲਾ ਦਰਜ ਕਰ ਲਿਆ ਹੈ ਅਤੇ ਚੋਰੀ ਦੀ ਜਾਂਚ ਕਰ ਰਹੀ ਹੈ। ਪੁਲਿਸ ਦੇ ਅਨੁਸਾਰ, ਚੋਰੀ ਦੀ ਇਹ ਘਟਨਾ ਗ੍ਰੀਨ ਕੈਸਲ ਦੇ ਪੀਟ ਐਂਡ ਗੈਰੀ ਆਰਗੈਨਿਕਸ ਐਲਐਲਸੀ ਵਿੱਚ ਰਾਤ 8:40 ਵਜੇ ਦੇ ਕਰੀਬ ਵਾਪਰੀ। ਚੋਰੀ ਹੋਏ ਆਂਡਿਆਂ ਦੀ ਕੀਮਤ ਲਗਭਗ 40,000 ਹਜ਼ਾਰ ਡਾਲਰ ਦੇ ਕਰੀਬ ਦੱਸੀ ਜਾ ਰਹੀ ਹੈ।
ਅਜਿਹੀਆਂ ਖ਼ਬਰਾਂ ਦੇ ਵਿਚਕਾਰ, ਅਮਰੀਕਾ ਵਿੱਚ ਲੋਕ ਅੰਡਿਆਂ ਲਈ ਵਿਰੋਧ ਪ੍ਰਦਰਸ਼ਨ ਵੀ ਕਰ ਰਹੇ ਹਨ। ਅੰਡੇ ਦੀਆਂ ਕੀਮਤਾਂ ਰਿਕਾਰਡ ਪੱਧਰ ‘ਤੇ ਇੱਥੇ ਪਹੁੰਚ ਗਈਆ ਹਨ। ਇਸ ਕਾਰਨ ਕੀਮਤਾਂ ਪ੍ਰਤੀ ਡੱਬਾ 7 ਡਾਲਰ ਤੱਕ ਵਧ ਗਈਆਂ ਹਨ। ਅੰਡੇ ਲੋਕਾਂ ਦੇ ਨਾਸ਼ਤੇ ਦਾ ਇੱਕ ਮਹੱਤਵਪੂਰਨ ਇੱਥੇ ਹਿੱਸਾ ਹਨ। ਇਸੇ ਲਈ ਲੱਖਾਂ ਲੋਕ ਹਰ ਰੋਜ਼ ਅੰਡੇ ਖਰੀਦਦੇ ਹਨ। ਪਰ ਹੁਣ ਅੰਡਿਆਂ ਦੀ ਕੀਮਤ ਉਨ੍ਹਾਂ ਦਾ ਬਜਟ ਬਰਬਾਦ ਕਰ ਰਹੀ ਹੈ। ਇਸ ਘਾਟ ਕਾਰਨ ਪੁਲਿਸ ਵੱਲੋ ਚੋਰੀ ਹੋਏ ਆਂਡਿਆਂ ਦੀ ਜਾਂਚ ਕੀਤੀ ਰਹੀ ਹੈ। ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਕੋਲ ਇਸ ਸਮੇਂ ਇਸ ਬਾਰੇ ਜ਼ਿਆਦਾ ਜਾਣਕਾਰੀ ਨਹੀਂ ਹੈ। ਪੁਲਿਸ ਨੇ ਕਿਹਾ ਕਿ ਚੋਰੀ ਦਾ ਜਲਦੀ ਹੀ ਪਰਦਾਫਾਸ਼ ਕਰ ਦਿੱਤਾ ਜਾਵੇਗਾ। ਹੁਣ ਪੂਰਾ ਅਮਰੀਕਾ ਇਸ ਸਮੇਂ ਅੰਡਿਆਂ ਦੀ ਘਾਟ ਦਾ ਸਾਹਮਣਾ ਕਰ ਰਿਹਾ ਹੈ। ਇਹ ਸਿਰਫ਼ ਇੱਕ ਖੇਤਰ ਵਿੱਚ ਨਹੀਂ ਹੈ। ਇਹੀ ਸਥਿਤੀ ਪੂਰੇ ਦੇਸ਼ ਵਿੱਚ ਹੀ ਹੈ। ਲਗਾਤਾਰ ਹੋ ਰਹੀ ਘਾਟ ਦੇ ਕਾਰਨ ਕੀਮਤਾਂ ਵੀ ਅਸਮਾਨ ਛੂਹ ਰਹੀਆਂ ਹਨ। ਅੰਡਿਆਂ ਦੀ ਮੌਜੂਦਾ ਕੀਮਤ ਪ੍ਰਤੀ ਡੱਬਾ 7 ਡਾਲਰ ਹੈ।
ਅਮਰੀਕਾ ਦੇ ਖੇਤੀਬਾੜੀ ਵਿਭਾਗ ਦੇ ਅਨੁਸਾਰ, ਮੱਧ-ਪੱਛਮੀ ਖੇਤਰ ਵਿੱਚ ਇੱਕ ਦਰਜਨ ਵੱਡੇ ਆਂਡਿਆਂ ਦੀ ਥੋਕ ਕੀਮਤ ਹੁਣ ਔਸਤਨ 7 ਡਾਲਰ 08 ਸੈਂਟ ਹੈ, ਜੋ ਕਿ ਦੋ ਸਾਲ ਪਹਿਲਾਂ ਦੀ ਕੀਮਤ ਨਾਲੋਂ ਲਗਭਗ ਸੱਤ ਗੁਣਾ ਜ਼ਿਆਦਾ ਹੈ। ਨਿਊਯਾਰਕ ਸਿਟੀ ਵਿੱਚ ਹੋਲ ਫੂਡਜ਼ ਇੰਕ. ਇੱਕ ਦਰਜਨ ਆਂਡਿਆਂ ਦੇ ਡੱਬੇ ਦੀਆਂ ਕੀਮਤਾਂ 11.99 ਸੈਂਟ ਤੱਕ ਪਹੁੰਚ ਗਈਆਂ ਹਨ। ਰਾਸ਼ਟਰੀ ਰਿਟੇਲਰ ਨੇ ਸ਼ਹਿਰ ਦੇ ਕੁਝ ਸਥਾਨਾਂ ‘ਤੇ ਗਾਹਕਾਂ ‘ਤੇ ਤਿੰਨ-ਡੱਬੇ ਦੀ ਖਰੀਦ ਸੀਮਾ ਵੀ ਲਗਾਈ ਹੈ।ਆਂਡਿਆਂ ਦੀ ਇਹ ਕਮੀ ਕਿਉਂ ਆਈ ਹੈ।ਅਮਰੀਕਾ ਵਿੱਚ ਅੰਡੇ ਦਾ ਬਾਜ਼ਾਰ ਕਈ ਮਹੀਨਿਆਂ ਤੋਂ ਚੱਲ ਰਿਹਾ ਹੈ। ਇਸ ਪਿੱਛੇ ਬਰਡ ਫਲੂ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ। ਬਰਡ ਫਲੂ ਕਾਰਨ ਇੱਥੇ ਲੱਖਾਂ ਮੁਰਗੀਆਂ ਮਰ ਚੁੱਕੀਆਂ ਹਨ। ਇਸ ਨਾਲ ਅੰਡਿਆਂ ਦੀ ਕਮੀ ਹੋ ਗਈ। ਇਸ ਗਲਤੀ ਦੀ ਲੋਕਾਂ ਨੂੰ ਭਾਰੀ ਕੀਮਤ ਚੁਕਾਉਣੀ ਪੈ ਰਹੀ ਹੈ। ਕਿਸਾਨ ਸਮੂਹ ਯੂਨਾਈਟਿਡ ਐੱਗ ਪ੍ਰੋਡਿਊਸਰਜ਼ ਨੇ ਇਹ ਰਿਪੋਰਟ ਦਿੱਤੀ ਕਿ 2022 ਵਿੱਚ ਬਰਡ ਫਲੂ ਕਾਰਨ 104 ਮਿਲੀਅਨ ਅੰਡੇ ਦੇਣ ਵਾਲੀਆਂ ਮੁਰਗੀਆਂ ਦੀ ਮੌਤ ਹੋ ਗਈ। ਇਸ ਤੋਂ ਇਲਾਵਾ ਅਕਤੂਬਰ ਵਿੱਚ 29 ਮਿਲੀਅਨ ਮੁਰਗੀਆਂ ਦੀ ਮੌਤ ਹੋ ਗਈ। ਇਸ ਨਾਲ ਅਮਰੀਕਾ ਚ’ ਅੰਡਿਆਂ ਦੀ ਕਮੀ ਹੋ ਗਈ।