ਨਿਊਯਾਰਕ, 10 ਫਰਵਰੀ (ਰਾਜ ਗੋਗਨਾ)- ਬੀਤੇ ਦਿਨ ਰੋਮਾ ਇੰਟਰਨੈਸ਼ਨਲ ਬ੍ਰਿਜ ਕਾਰਗੋ ਸਹੂਲਤ ‘ਤੇ ਅਮਰੀਕੀ ਕਸਟਮਜ਼ ਅਤੇ ਸਰਹੱਦੀ ਸੁਰੱਖਿਆ, ਫੀਲਡ ਆਪ੍ਰੇਸ਼ਨਜ਼ ਦਫ਼ਤਰ ਦੇ ਅਧਿਕਾਰੀਆਂ ਨੇ ਇੱਕ ਟਰੈਕਟਰ ਟ੍ਰੇਲਰ ਵਿੱਚ ਛੁਪਾਈ ਗਈ 1.6 ਮਿਲੀਅਨ ਡਾਲਰ ਦੀ ਕੋਕੀਨ ਜ਼ਬਤ ਕੀਤੀ ਹੈ।” ਰੋਮਾ ਪੋਰਟ ਆਫ਼ ਐਂਟਰੀ ਦੇ ਪੋਰਟ ਡਾਇਰੈਕਟਰ ਐਂਡਰੇਸ ਗੁਆਰਾ ਨੇ ਕਿਹਾ ਕਿ ਲੰਘੀ 31 ਜਨਵਰੀ ਨੂੰ, ਰੋਮਾ ਇੰਟਰਨੈਸ਼ਨਲ ਬ੍ਰਿਜ ਕਾਰਗੋ ਸਹੂਲਤ ਲਈ ਨਿਯੁਕਤ ਸੀਬੀਪੀ ਅਧਿਕਾਰੀਆਂ ਨੂੰ ਮੈਕਸੀਕੋ ਤੋਂ ਇੱਕ ਟਰੈਕਟਰ ਟ੍ਰੇਲਰ ਨੂੰ ਰੋਕਿਆ ਜਿਸ ਵਿੱਚ ਸਾਫਟ ਡਰਿੰਕਸ ਦੀ ਇੱਕ ਵਪਾਰਕ ਖੇਪ ਨੂੰ ਲੈ ਕੇ ਜਾ ਰਿਹਾ ਸੀ।
ਜਦੋਂ ਇਸ ਟਰੈਕਟਰ ਟ੍ਰੇਲਰ ਦੀ ਜਾਂਚ ਕੀਤੀ ਗਈ, ਤਾਂ ਜਿਸ ਵਿੱਚ ਕੇ-9 ਖੋਜੀ ਕੁੱਤਿਆਂ ਨੇ ਗੈਰ-ਘੁਸਪੈਠ ਨਿਰੀਖਣ ਦੀ ਜਾਂਚ ਕਰਨ ਤੋਂ ਬਾਅਦ, ਅਧਿਕਾਰੀਆਂ ਨੇ ਇਸ ਟਰੈਕਟਰ ਟਰਾਲਰ ਵਿੱਚੋ ਛੁਪਾਏ ਗਏ ਕਥਿਤ ਕੋਕੀਨ ਦੇ 50 ਪੈਕੇਜ ਕੱਢੇ ਜਿਨ੍ਹਾਂ ਦਾ ਭਾਰ 120.15 ਪੌਂਡ (54.5 ਕਿਲੋਗ੍ਰਾਮ) ਸੀ। ਕੋਕੀਨ ਦੀ ਅੰਦਾਜ਼ਨ ਬਜਾਰੀ ਕੀਮਤ 1,604,262 ਡਾਲਰ ਹੈ। ਸੀਬੀਪੀ ਓਐਫਓ ਨੇ ਇਸ ਟਰੱਕ, ਵਿੱਚੋਂ ਨਸ਼ੀਲੇ ਪਦਾਰਥਾਂ ਅਤੇ ਡਰਾਈਵਰ ਨੂੰ ਰੋਮਾ ਪੁਲਿਸ ਵਿਭਾਗ ਦੇ ਹਵਾਲੇ ਕਰ ਦਿੱਤਾ ਜਿਸਨੇ ਡਰਾਈਵਰ ਨੂੰ ਗ੍ਰਿਫਤਾਰ ਕਰ ਲਿਆ ਅਤੇ ਅਪਰਾਧਿਕ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।