ਟੋਰਾਂਟੋ, 23 ਮਾਰਚ (ਰਾਜ ਗੋਗਨਾ)- ਬੀਤੇਂ ਦਿਨ ਕੈਨੇਡਾ ਦੀ ਬਾਰਡਰ ਸਰਵਿਸਿਜ਼ ਏਜੰਸੀ (ਸੀ.ਬੀ.ਐਸ.ਏ) ਨੇ ਕੈਲਗਰੀ ਦੇ ਰਹਿਣ ਵਾਲੇ ਇਕ 26 ਸਾਲਾ ਦੇ ਨੌਜਵਾਨ ਨੂੰ ਅਮਰੀਕਾ ਤੋਂ ਕੈਨੇਡਾ ਵਿੱਚ 108 ਕਿਲੋਗ੍ਰਾਮ ਕੋਕੀਨ ਦੀ ਤਸਕਰੀ ਕਰਨ ਦੀ ਕੋਸ਼ਿਸ਼ ਦੇ ਅਧੀਨ ਫੜਿਆ, ਹੈ। ਜਿਸ ਦੇ ਮਗਰੋਂ ਉਸ ‘ਤੇ ਦੋਸ਼ ਲਗਾਇਆ ਗਿਆ ਹੈ। ਮੀਡੀਆ ਰਿਪੋਰਟਾਂ ਵਿੱਚ ਇਹ ਪੰਜਾਬੀ ਕੋਲੋ ਫੜੀ ਗਈ ਕੋਕੀਨ ਦੀ ਅੰਦਾਜ਼ਨ ਕੀਮਤ 3 ਮਿਲੀਅਨ ਡਾਲਰ ਦੇ ਕਰੀਬ ਦੱਸੀ ਜਾ ਰਹੀ ਹੈ।ਇਸ ਪੰਜਾਬੀ ਦੀ ਉਮਰ 26 ਸਾਲ ਦੀ ਹੈ। ਜਿਸ ਦਾ ਨਾਂ ਅਰਸ਼ਦੀਪ ਸਿੰਘ ਦੱਸਿਆ ਗਿਆ ਹੈ। ਜੋ ਲੰਘੀ 8 ਮਾਰਚ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਜਦੋਂ ਉਸ ਨੂੰ ਸੀਮਾ ਏਜੰਟਾਂ ਨੇ ਕਾਉਟਸ ਪੋਰਟ ਆਫ਼ ਐਂਟਰੀ ‘ਤੇ ਕੈਨੇਡਾ ਵਿੱਚ ਦਾਖ਼ਲ ਹੋਣ ਵਾਲੇ ਇਕ ਟਰਾਂਸਪੋਰਟ ਟਰੱਕ ਦੀ ਸੈਕੰਡਰੀ ਜਾਂਚ ਦੇ ਦੌਰਾਨ ਇੰਨਾਂ ਵੱਡੀ ਮਾਤਰਾ ਚ’ ਨਸ਼ੀਲੇ ਪਦਾਰਥ ਪਾਏ ਹਨ।