ਨਿਊਯਾਰਕ, 4 ਮਾਰਚ (ਰਾਜ ਗੋਗਨਾ )- ਗੋਲਡਬਾਰ ਘੁਟਾਲੇ ਵਿੱਚ ਮੈਰੀਲੈਂਡ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਤਿੰਨ ਗੁਜਰਾਤੀਆਂ ਵਿੱਚੋਂ ਦੋ ਨੇ ਆਪਣਾ ਦੋਸ਼ ਕਬੂਲ ਕਰ ਲਿਆ ਹੈ, ਜਿਸ ਗੁਜਰਾਤੀ ਨੌਜਵਾਨ ਨੀਲ ਪਟੇਲ ਨੇ ਅਮਰੀਕਾ ਵਿੱਚ ਇੱਕ ਨਕਲੀ ਐਫਬੀਆਈ ਏਜੰਟ ਬਣ ਕੇ ਮੈਰੀਲੈਂਡ ਵਿੱਚ ਇੱਕ ਬਜ਼ੁਰਗ ਵਿਅਕਤੀ ਤੋਂ 3,31,817 ਡਾਲਰ ਦਾ ਸੋਨਾ ਖੋਹਣ ਦੇ ਮਾਮਲੇ ਵਿੱਚ ਆਪਣਾ ਅਪਰਾਧ ਕਬੂਲ ਕਰ ਲਿਆ ਹੈ। ਜੋ ਇਲੀਨੋਇਸ ਰਾਜ ਦੇ ਕੈਰੋਲ ਸਟ੍ਰੀਮ ਦੇ ਰਹਿਣ ਵਾਲੇ 24 ਸਾਲਾ ਨੀਲ ਪਟੇਲ ਨੇ 100,000 ਡਾਲਰ ਤੋਂ ਵੱਧ ਦੀ ਚੋਰੀ ਕਰਨ ਦੀ ਸਾਜ਼ਿਸ਼ ਰਚਣ ਦਾ ਦੋਸ਼ੀ ਮੰਨਿਆ ਗਿਆ ਹੈ, ਜਿਸਦੇ ਨਤੀਜੇ ਵਜੋਂ ਉਸ ਨੂੰ 20 ਸਾਲ ਤੱਕ ਦੀ ਕੈਦ ਹੋ ਸਕਦੀ ਹੈ।
ਮੈਰੀਲੈਂਡ ਸਟੇਟ ਅਟਾਰਨੀ ਦੇ ਅਨੁਸਾਰ, ਨੀਲ ਪਟੇਲ ਜੋ ਇਸ ਸਮੇਂ ਜੇਲ੍ਹ ਵਿੱਚ ਹੈ, ਉਸ ਨੂੰ ਅਦਾਲਤ ਵੱਲੋ 9 ਮਈ, 2025 ਨੂੰ ਸਜ਼ਾ ਸੁਣਾਈ ਜਾਵੇਗੀ।ਨੀਲ ਪਟੇਲ ਨੂੰ 23 ਜੁਲਾਈ, 2024 ਨੂੰ ਸ਼ਿਕਾਗੋ ਦੇ ਓਹੇਅਰ ਹਵਾਈ ਅੱਡੇ ਤੋਂ ਗ੍ਰਿਫਤਾਰ ਕੀਤਾ ਗਿਆ ਸੀ, ਜਦੋਂ ਉਹ ਡਬਲਿਨ, ਆਇਰਲੈਂਡ ਲਈ ਉਡਾਣ ਫੜਨ ਦੀ ਤਿਆਰੀ ਕਰ ਰਿਹਾ ਸੀ। ਨੀਲ ਪਟੇਲ ਨੂੰ 6 ਅਗਸਤ, 2024 ਨੂੰ ਮੋਂਟਗੋਮਰੀ ਕਾਉਂਟੀ ਪੁਲਿਸ ਵਿਭਾਗ ਦੇ ਹਵਾਲੇ ਕਰ ਦਿੱਤਾ ਗਿਆ ਸੀ, ਕਿਉਂਕਿ ਉਸਦਾ ਮੈਰੀਲੈਂਡ ਵਿੱਚ ਅਪਰਾਧਿਕ ਰਿਕਾਰਡ ਸੀ। ਮੈਰੀਲੈਂਡ ਪੁਲਿਸ ਦੇ ਅਨੁਸਾਰ, ਨੀਲ ਨੇ 05 ਮਾਰਚ, 2024 ਨੂੰ ਪੀੜਤ ਤੋਂ ਸੋਨੇ ਨਾਲ ਭਰਿਆ ਇੱਕ ਪਾਰਸਲ ਲਿਆ ਸੀ। ਇਸ ਮਾਮਲੇ ਵਿੱਚ, ਪੀੜਤ ਨੂੰ ਕੁੱਲ 77.9 ਮਿਲੀਅਨ ਡਾਲਰ ਦਾ ਨੁਕਸਾਨ ਹੋਇਆ। ਨੀਲ ਪਟੇਲ ਦੂਜੀ ਵਾਰ ਪਾਰਸਲ ਲੈਣ ਲਈ ਆਪਣੇ ਘਰ ਗਿਆ, ਜਿਸਨੂੰ ਪੁਲਿਸ ਨੇ ਤਕਨੀਕੀ ਨਿਗਰਾਨੀ ਦੇ ਆਧਾਰ ‘ਤੇ ਦੋ ਮਹੀਨਿਆਂ ਤੋ ਬਾਅਦ ਫੜਿਆ ਸੀ।