ਵਾਸ਼ਿੰਗਟਨ, 17 ਜਨਵਰੀ (ਰਾਜ ਗੋਗਨਾ)- ਅਜਿਹਾ ਲੱਗ ਰਿਹਾ ਹੈ ਕਿ ਮਸ਼ਹੂਰ ਸ਼ਾਰਟ ਵੀਡੀਓ ਐਪ ਟਿਕਟਾਕ ਨੂੰ ਅਮਰੀਕਾ ਵਿੱਚ ਬੈਨ ਕਰ ਦਿੱਤਾ ਜਾਵੇਗਾ। ਅੰਤਰਰਾਸ਼ਟਰੀ ਮੀਡੀਆ ‘ਚ ਖਬਰਾਂ ਆ ਰਹੀਆਂ ਹਨ ਕਿ ਅਮਰੀਕਾ ‘ਚ 19 ਜਨਵਰੀ, 2025 ਤੋਂ ਟਿਕਟਾਕ ਸੇਵਾਵਾਂ ਬੰਦ ਹੋ ਜਾਣਗੀਆਂ। ਇਸ ਦਾ ਕਾਰਨ ਜੋਅ ਬਾਈਡੇਨ ਦੀ ਸਰਕਾਰ ਵੱਲੋਂ ਲਿਆਂਦਾ ਗਿਆ ਨਵਾਂ ਕਾਨੂੰਨ ਹੈ। ਅਪ੍ਰੈਲ 2024 ਵਿੱਚ ਜੋਅ ਬਾਈਡੇਨ ਪ੍ਰਸ਼ਾਸਨ ਨੇ ਦੇਸ਼ ਦੇ ਨਾਗਰਿਕਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਸੋਸ਼ਲ ਮੀਡੀਆ ਬਾਰੇ ਇੱਕ ਨਵਾਂ ਕਾਨੂੰਨ ਲਿਆਂਦਾ ਸੀ। ਇਸ ਕਾਨੂੰਨ ਦੇ ਅਨੁਸਾਰ ਟਿਕਟਾਕ ਨੂੰ ਚੀਨੀ ਮੂਲ ਕੰਪਨੀ ਬਾਈਟਡਾਂਸ ਤੋਂ ਵੇਚਿਆ ਜਾਣਾ ਚਾਹੀਦਾ ਹੈ। ਨਹੀਂ ਤਾਂ ਸਰਕਾਰ ਨੇ ਸਪੱਸ਼ਟ ਕਰ ਦਿੱਤਾ ਹੈ ਕਿ ਟਿਕਟਾਕ ਨੂੰ ਅਮਰੀਕਾ ਵਿੱਚ ਪਾਬੰਦੀ ਦਾ ਸਾਹਮਣਾ ਕਰਨਾ ਪਵੇਗਾ। ਕਿਉਂਕਿ ਚੀਨੀ ਮੂਲ ਦੀ ਇਹ ਕੰਪਨੀ ਬਾਈਟਡਾਂਸ ਰਾਸ਼ਟਰਪਤੀ ਜੋਅ ਜੋਡੇਨ ਦੀ ਸਰਕਾਰ ਦੇ ਆਦੇਸ਼ਾਂ ਦੇ ਅਨੁਸਾਰ ਟਿਕਟਾਕ ਨੂੰ ਵੇਚਣ ਲਈ ਤਿਆਰ ਨਹੀਂ ਹੈ, ਟਿਕਟਾਕ 19 ਜਨਵਰੀ, 2025 ਤੋਂ ਅਮਰੀਕਾ ਵਿੱਚ ਇਸ ਐਪ ਸੇਵਾਵਾਂ ਨੂੰ ਬੰਦ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਜੇਕਰ ਅਮਰੀਕਾ ‘ਚ ਟਿਕਟਾਕ ਬੰਦ ਹੋ ਜਾਂਦਾ ਹੈ। ਤਾਂ ਉੱਥੇ ਦੇ ਲੋਕ ਐਪ ਨੂੰ ਡਾਊਨਲੋਡ ਨਹੀਂ ਕਰ ਸਕਣਗੇ।
ਜੇਕਰ ਫੋਨ ‘ਚ ਪਹਿਲਾਂ ਤੋਂ ਹੀ ਐਪ ਹੈ, ਕੁਝ ਸਮੇਂ ਲਈ ਕੰਮ ਕਰਨ ਤੋਂ ਬਾਅਦ ਇਹ ਸੇਵਾਵਾਂ ਬੰਦ ਹੋ ਜਾਣਗੀਆਂ। ਨਵੇਂ ਫ਼ੋਨ ਹੁਣ ਟਿਕਟਾਕ ਨੂੰ ਡਾਊਨਲੋਡ ਨਹੀਂ ਕਰਨਗੇ। ਦੂਜੇ ਪਾਸੇ ਕੰਪਨੀ ਨੇ ਸਰਕਾਰ ਤੋਂ ਇਸ ਕਾਨੂੰਨ ਨੂੰ ਲਾਗੂ ਕਰਨ ਲਈ ਕੁਝ ਸਮਾਂ ਲੈਣ ਦੀ ਮੰਗ ਵੀ ਕੀਤੀ ਹੈ। ਹਾਲਾਂਕਿ ਅਮਰੀਕਾ ਵਿੱਚ ਟਿਕਟਾਕ ਨੂੰ ਬੈਨ ਕਰਨ ਦਾ ਇੱਕ ਮਜ਼ਬੂਤ ਕਾਰਨ ਜਾਪਦਾ ਹੈ।ਪ੍ਰਸਿੱਧ ਛੋਟਾ ਵੀਡੀਓ ਐਪ ਟਿਕਟਾਕ ਚੀਨੀ ਮੂਲ ਦੀ ਕੰਪਨੀ ਬਾਈਟਡਾਂਸ ਦੀ ਮਲਕੀਅਤ ਹੈ। ਇਹ ਫ਼ੈਸਲਾ ਬਾਈਡੇਨ ਸਰਕਾਰ ਨੇ ਲਿਆ ਹੈ, ਜਿਨ੍ਹਾਂ ਨੇ ਮਹਿਸੂਸ ਕੀਤਾ ਕਿ ਚੀਨ ਵੱਲੋਂ ਇਸ ਐਪ ਰਾਹੀਂ ਅਮਰੀਕੀ ਨਾਗਰਿਕਾਂ ਦਾ ਨਿੱਜੀ ਡਾਟਾ ਇਕੱਠਾ ਕਰਨ ਦੀ ਸੰਭਾਵਨਾ ਹੈ। ਰੱਖਿਆ ਅਤੇ ਅਰਥਵਿਵਸਥਾ ਦੇ ਖੇਤਰਾਂ ਵਿੱਚ ਚੀਨ ਅਤੇ ਅਮਰੀਕਾ ਵਿਚਾਲੇ ਪਹਿਲਾਂ ਹੀ ਸਖਤ ਮੁਕਾਬਲਾ ਹੈ।
ਚੀਨ ਵਿਸ਼ਵ ਨੇਤਾ ਦੀ ਭੂਮਿਕਾ ਨਿਭਾਉਣ ਲਈ ਉਤਸੁਕ ਹੈ ਜੋ ਅਮਰੀਕਾ ਇਸ ਸਮੇਂ ਨਿਭਾ ਰਿਹਾ ਹੈ। ਇਸ ਨਾਲ ਅਮਰੀਕਾ ਡਰੈਗਨ ਕੰਟਰੀ ਨੂੰ ਰੋਕਣ ਲਈ ਜਵਾਬੀ ਰਣਨੀਤੀ ਲਿਖ ਰਿਹਾ ਹੈ। ਇਸ ਸੰਦਰਭ ਵਿੱਚ ਚੀਨੀ ਪਿਛੋਕੜ ਵਾਲੇ ਟਿਕਟਾਕ ਨੂੰ ਅਮਰੀਕਾ ਵਿੱਚ ਬੈਨ ਕਰ ਦਿੱਤਾ ਗਿਆ ਹੈ।