ਨਿਊਯਾਰਕ, 19 ਅਗਸਤ (ਰਾਜ ਗੋਗਨਾ )-ਨਿਊਯਾਰਕ ਸਿਟੀ ਦੇ ਟਾਈਮਜ਼ ਸਕੁਏਅਰ ਤੋਂ ਲੈ ਕੇ ਕੈਨੇਡਾ, ਤੱਕ ਕੋਲਕਾਤਾ ਦੀ ਮਹਿਲਾ ਡਾਕਟਰ ਰੇਪ ਮਾਮਲੇ ਦੀ ਚਰਚਾ ਹੋ ਰਹੀ ਹੈ। ਇੱਥੇ ਨਿਊਯਾਰਕ, ਕੈਨੇਡਾ ਅਤੇ ਬਰਤਾਨੀਆ ਵਿੱਚ ਰਹਿ ਰਹੇ ਭਾਰਤੀ ਮੂਲ ਦੇ ਲੋਕ ਹੁਣ ਔਰਤਾਂ ਦੀ ਸੁਰੱਖਿਆ ਦਾ ਮੁੱਦਾ ਉਠਾ ਰਹੇ ਹਨ। ਕੋਲਕਾਤਾ ਰੇਪ ਮਾਮਲੇ ‘ਚ ਮਹਿਲਾ ਡਾਕਟਰ ਨੂੰ ਇਨਸਾਫ ਦਿਵਾਉਣ ਅਤੇ ਇਸ ਅੱਤਿਆਚਾਰ ਨੂੰ ਅੰਜਾਮ ਦੇਣ ਵਾਲਿਆਂ ਨੂੰ ਸਜ਼ਾ ਦਿਵਾਉਣ ਲਈ ਲੋਕ ਸੜਕਾਂ ‘ਤੇ ਉਤਰ ਆਏ ਹਨ। ਇਸ ਮਾਮਲੇ ਦੀ ਦੇਸ਼-ਵਿਦੇਸ਼ ਵਿੱਚ ਚਰਚਾ ਹੋ ਰਹੀ ਹੈ ਅਤੇ ਸਾਰਿਆਂ ਦੀ ਇੱਕ ਹੀ ਮੰਗ ਹੈ ਕਿ ਦੋਸ਼ੀਆਂ ਨੂੰ ਸਜ਼ਾਵਾਂ ਮਿਲਣੀਆਂ ਚਾਹੀਦੀਆਂ ਹਨ।ਕੋਲਕਾਤਾ ਦੀ ਮਹਿਲਾ ਡਾਕਟਰ ਦੇ ਮਾਮਲੇ ‘ਚ ਇਨਸਾਫ ਦੀ ਮੰਗ ਨੂੰ ਲੈ ਨਿਊਯਾਰਕ ਦੇ ਟਾਈਮਜ਼ ਸੁਕੁਏਅਰ ਚ’ ਭਾਰਤੀਆਂ ਨੇ ਵਿਰੋਧ ‘ਚ ਪ੍ਰਦਰਸ਼ਨ
14 ਅਗਸਤ ਨੂੰ ਟਾਈਮਜ਼ ਸਕੁਏਅਰ ‘ਤੇ ਦੇਰ ਰਾਤ ਦੇ ਵਿਰੋਧ ਪ੍ਰਦਰਸ਼ਨ ‘ਚ ਹਿੱਸਾ ਲੈਣ ਵਾਲੇ ਸਯੰਤਨ ਦਾਸ ਨੇ ਕਿਹਾ ਕਿ ਕੋਲਕਾਤਾ ਡਾਕਟਰ ਮਾਮਲੇ ‘ਚ ਇਨਸਾਫ ਦੀ ਮੰਗ ਨੂੰ ਲੈ ਕੇ ਬੰਗਾਲ ‘ਚ ਵਿਦਿਆਰਥੀਆਂ ਅਤੇ ਔਰਤਾਂ ਨਾਲ 40 ਲੋਕ ਇਕੱਠੇ ਹੋਏ ਸਨ। ਨਿਊਯਾਰਕ ਵਿੱਚ ਵਿਰੋਧ ਪ੍ਰਦਰਸ਼ਨਾਂ ਨੇ ਲੋਕਾਂ ਨੂੰ ਪੋਸਟਰਾਂ ਅਤੇ ਇਨਸਾਫ ਦੀ ਮੰਗ ਦੇ ਨਾਲ ਸੜਕਾਂ ‘ਤੇ ਉਤਰਦੇ ਦੇਖਿਆ। ਇੱਥੇ ਸਿਰਫ਼ ਇੱਕ ਹੀ ਮੰਗ ਸੀ ਕਿ ਔਰਤਾਂ ਵਿਰੁੱਧ ਅਜਿਹੀਆਂ ਘਿਨਾਉਣੀਆਂ ਹਰਕਤਾਂ ਕਰਨ ਵਾਲੇ ਦੋਸ਼ੀਆਂ ਨੂੰ ਸਖ਼ਤ ਤੋਂ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣ। ਇਨ੍ਹਾਂ ਲੋਕਾਂ ਨੇ ਅੰਤ ਵਿੱਚ ਰਾਸ਼ਟਰੀ ਗੀਤ ਗਾਇਆ ਅਤੇ ਫਿਰ ਇਨਸਾਫ ਦੀ ਮੰਗ ਕੀਤੀ।ਕੈਲੀਫੋਰਨੀਆ ਰਾਜ ਦੇ ਲਾਸ ਏਂਜਲਸ ਦੇ ਭਾਰਤੀ ਹਾਲੀਵੁੱਡ ਪਾਰਕ ਵਿੱਚ ਇਕੱਠੇ ਹੋ ਕੇ ਹਾਲੀਵੁੱਡ ਸੰਕੇਤਾਂ ਦੇ ਸਾਹਮਣੇ ਵਿਰੋਧ ਪ੍ਰਦਰਸ਼ਨ ਕਰਨ ਲਈ ਇਕੱਠੇ ਹੋਏ। ਮੂਲ ਰੂਪ ਵਿੱਚ ਕੋਲਕਾਤਾ ਦੇ ਰਹਿਣ ਵਾਲੇ ਅਤੇ ਹੁਣ ਅਮਰੀਕਾ ਵਿੱਚ ਰਹਿ ਰਹੇ ਇੱਕ ਅਧਿਆਪਕ ਨੇ ਦੱਸਿਆ ਕਿ ਇੱਥੇ 250 ਦੇ ਕਰੀਬ ਭਾਰਤੀ ਇਸ ਪ੍ਰਦਰਸ਼ਨ ਵਿੱਚ ਸ਼ਾਮਲ ਹੋਏ ਸਨ। ਇਸੇ ਤਰਾਂ ਹੀ ਹਿਊਸਟਨ ਟੈਕਸਾਸ ਸੂਬੇ ਦੀ ਦੁਰਗਾਬਦੀ ਸੋਸਾਇਟੀ ਅਤੇ ਹਿਊਸਟਨ ਦੀ ਟੈਗੋਰ ਸੋਸਾਇਟੀ ਦੇ ਮੈਂਬਰਾਂ ਸਮੇਤ ਹਿਊਸਟਨ ਦਾ ਬੰਗਾਲੀ ਭਾਈਚਾਰਾ ਵੀ ਇਸ ਵਿਰੋਧ ਪ੍ਰਦਰਸ਼ਨ ਵਿੱਚ ਸ਼ਾਮਲ ਹੋਇਆ।
ਸ਼ਿਕਾਗੋ ਵਿੱਚ ਬੰਗਾਲੀ ਭਾਈਚਾਰੇ ਨੇ ਬੀਤੇਂ ਦਿਨ ਵੀਰਵਾਰ ਨੂੰ ਇੱਕ ਰੋਸ ਮੀਟਿੰਗ ਕੀਤੀ। ਵਕੀਲ ਸ਼ਰਮਿਸ਼ਠਾ ਬੈਨਰਜੀ ਨੇ ਕਿਹਾ ਕਿ ਵਿਰੋਧ ਪ੍ਰਦਰਸ਼ਨ 24 ਘੰਟੇ ਦੇ ਨੋਟਿਸ ‘ਤੇ ਸ਼ੁਰੂ ਹੋਇਆ ਸੀ। ਅਸੀਂ ਵੱਡੇ ਪੱਧਰ ‘ਤੇ ਜਥੇਬੰਦ, ਸਮਰਥਨ, ਵਿਰੋਧ ਅਤੇ ਸੰਘਰਸ਼ ਜਾਰੀ ਰੱਖਾਂਗੇ। ਅਟਲਾਂਟਾ ਦੇ ਅੰਬਰੀਸ਼ ਮਿੱਤਰਾ ਨੇ ਦੱਸਿਆ ਕਿ 14 ਅਗਸਤ ਨੂੰ ਸ਼ਾਮ 5.45 ਤੋਂ 8.15 ਵਜੇ ਤੱਕ ਅਟਲਾਂਟਾ ਵਿੱਚ ਕਰੀਬ 150 ਲੋਕਾਂ ਨੇ ਇਨਸਾਫ਼ ਦੀ ਮੰਗ ਸ਼ੁਰੂ ਕਰ ਦਿੱਤੀ। ਉਨ੍ਹਾਂ ਨੇ ਔਰਤਾਂ ਵਿਰੁੱਧ ਵਿਤਕਰੇ ਅਤੇ ਹਿੰਸਾ ਨੂੰ ਦੂਰ ਕਰਨ ਲਈ ਢੁਕਵੀਂ ਢਾਂਚਾਗਤ ਤਬਦੀਲੀ ਦੀ ਮੰਗ ਕੀਤੀ ਅਤੇ ਲਾਮਬੰਦ ਕੀਤਾ।ਕੈਨੇਡਾ ਦੇ ਥਿਸਟਲਟਾਊਨ ਕਮਿਊਨਿਟੀ ਸੈਂਟਰ ਵਿਖੇ ਵਿਦੇਸ਼ਾਂ ਵਿੱਚ ਰਹਿੰਦੇ ਭਾਰਤੀ ਡਾਕਟਰਾਂ ਨੇ ਗੁੱਸੇ ਵਿੱਚ ਇੱਕ ਮੋਮਬੱਤੀ ਮਾਰਚ ਕੱਢਿਆ ਗਿਆ , ਜਦੋਂ ਕਿ ਬਹੁਤ ਸਾਰੇ ਆਸਟਿਨ ਦੇ ਐਲਿਜ਼ਾਬੈਥ ਮਿਲਬਰਨ ਪਾਰਕ ਵਿੱਚ ਇਕੱਠੇ ਹੋਏ। ਬੰਗਾਲੀ ਭਾਈਚਾਰੇ ਵੱਲੋਂ ਐਸ਼ਲੈਂਡ, ਮੈਸੇਚਿਉਸੇਟਸ ਅਤੇ ਆਸ-ਪਾਸ ਦੇ ਪ੍ਰਾਂਤਾਂ ਹਾਪਕਿੰਟਨ ਅਤੇ ਹੋਲਿਸਟਨ ਵਿੱਚ ਇੱਕ ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।