![](https://punjabiakhbar.com/wp-content/uploads/2023/08/03-5-1024x576.jpg)
ਆਸਟ੍ਰੇਲੀਆ ਦੇ ਰਸਲ ਆਈਲੈਂਡ ‘ਤੇ ਐਤਵਾਰ (6 ਅਗਸਤ) ਨੂੰ ਇੱਕ ਦਰਦਨਾਕ ਹਾਦਸੇ ‘ਚ ਪੰਜ ਨੌਜਵਾਨ ਬੱਚਿਆਂ ਸਣੇ ਇੱਕ ਪਿਤਾ ਦੀ ਮੌਤ ਹੋ ਗਈ। ਪੁਲਿਸ ਨੇ ਇਸ ਘਟਨਾ ਨੂੰ ਭਿਆਨਕ ਦੱਸਿਆ ਹੈ। ਬ੍ਰਿਸਬੇਨ ਨੇੜੇ ਰਸੇਲ ਆਈਲੈਂਡ ‘ਤੇ ਸਥਿਤ ਇੱਕ ਘਰ ‘ਚ ਐਤਵਾਰ ਸਵੇਰੇ ਅੱਗ ਲੱਗ ਗਈ। ਅੱਗ ਨਾਲ ਘਰ ਪੂਰੀ ਤਰ੍ਹਾਂ ਸੜ ਗਿਆ। ਹਾਲਾਂਕਿ ਇਸ ਹਾਦਸੇ ‘ਚ ਮਾਂ ਵਾਲ-ਵਾਲ ਬਚ ਗਈ।
28 ਸਾਲਾ ਔਰਤ ਨੂੰ ਬਿਹਤਰ ਇਲਾਜ ਲਈ ਹਸਪਤਾਲ ਦਾਖਲ ਕਰਵਾਇਆ ਗਿਆ। ਪੁਲਿਸ ਨੇ ਦੱਸਿਆ ਕਿ ਔਰਤ ਕਾਫੀ ਪਰੇਸ਼ਾਨ ਹਾਲਤ ‘ਚ ਹੈ। ਪੁਲਿਸ ਦੇ ਬੁਲਾਰੇ ਨੇ ਦੱਸਿਆ ਕਿ ਘਰ ਸੜ ਗਿਆ। ਹਾਦਸੇ ‘ਚ 6 ਲੋਕਾਂ ਦੀ ਮੌਤ ਹੋਣ ਦੀ ਸੂਚਨਾ ਹੈ। ਇਨ੍ਹਾਂ ਵਿੱਚ 34 ਸਾਲਾ ਪੁਰਸ਼ ਅਤੇ 5 ਲੜਕੇ ਸ਼ਾਮਲ ਸਨ, ਜਿਨ੍ਹਾਂ ਦੀ ਉਮਰ 11 ਤੋਂ 3 ਸਾਲ ਦੇ ਵਿਚਕਾਰ ਸੀ।
ਇਸ ਹਾਦਸੇ ‘ਚ 9 ਲੋਕ ਜ਼ਖਮੀ ਵੀ ਹੋਏ ਹਨ। ਆਸਟ੍ਰੇਲੀਅਨ ਬਰਾਡਕਾਸਟਿੰਗ ਕਾਰਪੋਰੇਸ਼ਨ ਦੀ ਰਿਪੋਰਟ ਮੁਤਾਬਕ ਅੱਗ ‘ਤੇ ਕਾਬੂ ਪਾਉਣ ਲਈ ਕਰੀਬ 20 ਫਾਇਰ ਫਾਈਟਰਾਂ ਨੂੰ ਤਾਇਨਾਤ ਕੀਤਾ ਗਿਆ ਸੀ। ਰਸਲ ਟਾਪੂ ਲਗਭਗ ਤਿੰਨ ਕਿਲੋਮੀਟਰ ਚੌੜਾ ਅਤੇ ਅੱਠ ਕਿਲੋਮੀਟਰ ਲੰਬਾ ਹੈ ਅਤੇ ਉੱਤਰੀ ਸਟ੍ਰੈਡਬ੍ਰੋਕ ਟਾਪੂ ਅਤੇ ਕੁਈਨਜ਼ਲੈਂਡ ਮੁੱਖ ਭੂਮੀ ਦੇ ਵਿਚਕਾਰ ਸਥਿਤ ਹੈ। ਇਸ ਖੇਤਰ ਦੀ ਆਬਾਦੀ ਲਗਭਗ 3,700 ਹੈ।
ਆਸਟ੍ਰੇਲੀਅਨ ਐਸੋਸੀਏਟਿਡ ਪ੍ਰੈੱਸ ਨਾਲ ਗੱਲ ਕਰਦੇ ਹੋਏ, ਸਥਾਨਕ ਲੋਕਾਂ ਨੇ ਕਿਹਾ ਕਿ ਪ੍ਰਭਾਵਿਤ ਘਰ ਸ਼ਹਿਰ ਦੇ ਕੇਂਦਰ ਤੋਂ ਦੂਰ ਨਹੀਂ ਹਨ। ਕੁਈਨਜ਼ਲੈਂਡ ਦੇ ਵਿਰੋਧੀ ਧਿਰ ਦੇ ਨੇਤਾ ਡੇਵਿਡ ਕ੍ਰਿਸ ਨੇ ਲੋਕਾਂ ਦੀਆਂ ਕੋਸ਼ਿਸ਼ਾਂ ਦੀ ਤਰੀਫ ਕੀਤੀ।