![](https://punjabiakhbar.com/wp-content/uploads/2024/07/04-4.jpg)
ਨਿਊਯਾਰਕ ,25 ਜੁਲਾਈ (ਰਾਜ ਗੋਗਨਾ)- ਬੀਤੇਂ ਦਿਨ ਪੁਲਿਸ ਦੀ 6 ਮਹੀਨਿਆਂ ਦੀ ਜਾਂਚ ਤੋਂ ਬਾਅਦ, ਪੁਲਿਸ ਨੇ ਇਕ ਗੁਜਰਾਤੀ ਭਾਰਤੀ ਸੰਜੇ ਪਟੇਲ ਦਾ ਪਰਦਾਫਾਸ਼ ਕੀਤਾ ਹੈ। ਜੋ ਇਲੀਨੋਇਸ ਸੂਬੇ ਦੇ ਵਿੱਚ ਰਹਿੰਦਾ ਸੀ।ਅਤੇ ਓਹੀਓ ਸੂਬੇ ਵਿੱਚ ਗੇਮਿੰਗ ਮਸ਼ੀਨਾਂ ਰਾਹੀਂ ਕਾਨੂੰਨੀ ਤੌਰ ‘ਤੇ ਜੂਆ ਖਿਡਾਉਦਾ ਸੀ।ਪੁਲਿਸ ਨੇ ‘ਚ ਗੇਮਿੰਗ ਮਸ਼ੀਨਾ ਚਲਾਉਣ ਵਾਲੇ ਸੰਜੇ ਪਟੇਲ ਨੂੰ ਲੱਖਾ ਡਾਲਰਾਂ ਦੀ ਨਕਦੀ ਜ਼ਬਤ ਕਰਕੇ ਗ੍ਰਿਫਤਾਰ ਕੀਤਾ ਹੈ। ਸਥਾਨਕ ਪੁਲਿਸ ਤੋਂ ਇਲਾਵਾ ਹੋਮਲੈਂਡ ਸਕਿਓਰਿਟੀ ਇਨਵੈਸਟੀਗੇਸ਼ਨ ਨੇ ਓਹੀਓ ਰਾਜ ਦੇ ਕੇਟਰਿੰਗ ਸਿਟੀ ਵਿੱਚ ਬੀਤੇਂ ਦਿਨ ਇੱਕ ਇੰਟਰਨੈਟ ਕੈਫੇ ਨਾਂ ਦੀ ਆੜ ਵਿੱਚ ਸਲਾਟ ਮਸ਼ੀਨਾਂ ਨਾਲ ਜੂਆ ਖਿਡਾ ਰਹੇ ਗੁਜਰਾਤੀ ਭਾਰਤੀ ਦੇ ਖਿਲਾਫ ਕਾਰਵਾਈ ਕੀਤੀ ਹੈ।ਦੋਸ਼ੀ ਸੰਜੇ ਪਟੇਲ ਨਾਂ ਦੇ ਵਿਅਕਤੀ ਨੂੰ ਪੁਲਿਸ ਨੇ 30 ਮਈ ਨੂੰ ਹਿਰਾਸਤ ਵਿਚ ਲਿਆ ਸੀ ਅਤੇ ਉਸ ਨੂੰ ਹੁਣ 1 ਅਗਸਤ ਨੂੰ ਮੋਂਟਗੋਮਰੀ ਕਾਉਂਟੀ ਕਾਮਨ ਪਲੀਜ਼ ਕੋਰਟ ਵਿਚ ਪੇਸ਼ ਕੀਤਾ ਜਾਣਾ ਹੈ। ਉਸ ‘ਤੇ ਜੂਏ ਤੋਂ ਇਲਾਵਾ ਜੂਏ ਦਾ ਘਰ ਚਲਾਉਣ ਦੇ ਵੀ ਦੋਸ਼ ਹਨ। ਸੰਜੇ ਪਟੇਲ, 44,ਸਾਲਾ ਸ਼ਿਕਾਗੋ ਤੋਂ ਲਗਭਗ 300 ਮੀਲ ਦੀ ਦੂਰੀ ਤੇ ਇਲੀਨੋਇਸ ਦੇ ਨੈਪਰਵਿਲੇ ਵਿੱਚ ਰਹਿੰਦਾ ਹੈ।ਕੇਟਰਿਗ ਪੁਲਿਸ ਵਿਭਾਗ ਵਲੋਂ 30 ਮਈ ਨੂੰ ਸੰਜੇ ਪਟੇਲ ਦੇ ਇੰਟਰਨੈਟ ਕੈਫੇ ‘ਤੇ ਛਾਪਾ ਮਾਰਨ ਤੋਂ ਪਹਿਲਾਂ, ਸ਼ੱਕੀ ਵਿਅਕਤੀ ਡੇਟਨ ਪੁਲਿਸ ਵਿਭਾਗ ਅਤੇ ਹੋਮਲੈਂਡ ਸਕਿਓਰਿਟੀ ਇਨਵੈਸਟੀਗੇਸ਼ਨ ਦੇ ਸ਼ਿਕਾਗੋ ਦਫਤਰ ਦੁਆਰਾ ਪਿਛਲੇ ਛੇ ਮਹੀਨਿਆਂ ਤੋਂ ਨਿਗਰਾਨੀ ਹੇਠ ਸੀ।
ਪੁਲਿਸ ਅਤੇ ਹੋਮਲੈਂਡ ਸਕਿਓਰਿਟੀ ਵਿਭਾਗ ਦੀ ਕਾਰਵਾਈ ਵਿੱਚ ਸੰਜੇ ਪਟੇਲ ਦੇ ਕੈਫੇ ਅਤੇ ਘਰ ਤੋਂ ਕੁੱਲ 5.15 ਲੱਖ ਡਾਲਰ ਦਾ ਮਾਮਲਾ ਅਤੇ ਦੋ ਲੱਖ ਡਾਲਰ ਦੇ ਗਹਿਣੇ ਵੀ ਬਰਾਮਦ ਹੋਏ ਹਨ।ਦੋਸ਼ੀ ਸੰਜੇ ਪਟੇਲ ‘ਤੇ ਇੰਟਰਨੈੱਟ ਕੈਫੇ ‘ਚ ਜੂਏ ਦਾ ਘਰ ਚਲਾਉਣ ਦਾ ਦੋਸ਼ ਹੈ। ਪੁਲਿਸ ਨੇ 1 ਨਵੰਬਰ 2023 ਤੋਂ ਜਾਂਚ ਸ਼ੁਰੂ ਕੀਤੀ ਸੀ। ਕੇਟਰਿੰਗ ਰੋਡ ਪੈਟਰੋਲਿੰਗ ਅਫਸਰ ਨੂੰ ਇਸ ਜਗ੍ਹਾ ‘ਤੇ ਚੱਲ ਰਹੀ ਗੈਰ-ਕਾਨੂੰਨੀ ਗਤੀਵਿਧੀ ਬਾਰੇ ਪਹਿਲੇ ਜਾਣਕਾਰੀ ਮਿਲੀ ਸੀ। ਅਤੇ ਉਸ ਦੀ ਗੂਗਲ ਸਮੀਖਿਆ ਵਿੱਚ ਇਹ ਵੀ ਦੱਸਿਆ ਗਿਆ ਸੀ ਕਿ ਇਸ ਕੈਫੇ ਵਿੱਚ ਸਲਾਟ ਮਸ਼ੀਨਾਂ ਚੱਲ ਰਹੀਆਂ ਹਨ। ਕੇਟਰਿੰਗ ਮਿਉਂਸਪਲ ਕੋਰਟ ਵਿੱਚ ਦਾਇਰ ਇੱਕ ਹਲਫਨਾਮੇ ਦੇ ਅਨੁਸਾਰ, ਜਦੋਂ ਸਾਦੇ ਕੱਪੜਿਆਂ ਵਿੱਚ ਜਸੂਸ ਪੁਲਿਸ ਪਹਿਲੀ ਵਾਰ ਇੰਟਰਨੈਟ ਕੈਫੇ ਵਿੱਚਬਪਹੁੰਚੀ ਤਾਂ ਉਸਨੇ ਇੱਕ ਤਾਲਾਬੰਦ ਦਰਵਾਜ਼ਾ ਦੇਖਿਆ ਜਿਸ ਵਿੱਚ ਇੱਕ ਅੱਖ ਪੱਧਰੀ ਕੈਮਰਾ ਵੀ ਲਗਾਇਆ ਗਿਆ ਸੀ। ਗੁਪਤ ਜਾਸੂਸਾਂ ਨੂੰ ਦਰਵਾਜ਼ਾ ਖੋਲ੍ਹ ਕੇ ਅੰਦਰ ਦਾਖਲਾ ਦਿੱਤਾ ਗਿਆ, ਜਿੱਥੇ ਉਸ ਨੇ ਕਈ ਸਲਾਟ ਮਸ਼ੀਨਾਂ ਦੇਖੀਆਂ ਅਤੇ ਸਾਰਾ ਲੈਣ-ਦੇਣ ਨਕਦੀ ਵਿਚ ਕੀਤਾ ਜਾਦਾ ਸੀ। ਕੇਟਰਿੰਗ ਪੁਲਿਸ ਨੇ ਆਪਣੇ ਗੁਪਤ ਜਾਸੂਸਾਂ ਨੂੰ ਇੰਟਰਨੈਟ ਕੈਫੇ ਵਿੱਚ ਇਸ ਗੱਲ ਦੀ ਪੁਸ਼ਟੀ ਕਰਨ ਤੋਂ ਬਾਅਦ ਭੇਜਿਆ ਕਿ ਜੂਏ ਦੀਆਂ ਗਤੀਵਿਧੀਆਂ ਚੱਲ ਰਹੀਆਂ ਸਨ, ਜਿੱਥੇ ਉਹਨਾਂ ਨੇ ਨਿਸ਼ਾਨਬੱਧ ਕਰੰਸੀ ਨੋਟਾਂ ਦੀ ਵਰਤੋਂ ਕਰਦੇ ਹੋਏ ਡਿਜੀਟਲ ਸਲਾਟਿੰਗ ਮਸ਼ੀਨਾਂ ਵਿੱਚ ਜੂਆ ਖੇਡਿਆ ਅਤੇ ਨਕਦ ਭੁਗਤਾਨ ਵੀ ਪ੍ਰਾਪਤ ਕੀਤਾ।ਜਿੱਥੇ ਸਲਾਟ ਮਸ਼ੀਨਾਂ ਰਾਹੀਂ ਜੂਏ ਦੀ ਗਤੀਵਿਧੀ ਗੈਰ-ਕਾਨੂੰਨੀ ਹੈ।
ਪਰ ਪੁਲਿਸ ਨੇ ਛੇ ਮਹੀਨਿਆਂ ਦੇ ਗੁਪਤ ਆਪ੍ਰੇਸ਼ਨ ਤੋਂ ਬਾਅਦ ਸੰਜੇ ਪਟੇਲ ਦੀ ਕਾਰ ਲਈ ਇੱਕ ਜੀਪੀਐਸ ਸਰਚ ਵਾਰੰਟ ਵੀ ਪ੍ਰਾਪਤ ਕੀਤਾ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਸੰਜੇ ਪਟੇਲ, ਜੋ ਕਿ ਕਾਨੂੰਨ ਦੇ ਵਿਰੁੱਧ ਇਹ ਘਟੀਆ ਧੰਦਾ ਚਲਾ ਰਿਹਾ ਸੀ, ਦੇ ਖਿਲਾਫ ਸਬੂਤ ਬਰਬਾਦ ਕੀਤੇ ਜਾਣ।ਅਤੇ ਲੰਘੀ 08 ਮਾਰਚ ਤੋਂ ਪੁਲਿਸ ਨੇ ਸੰਜੇ ਪਟੇਲ ਦੀਆਂ ਹਰਕਤਾਂ ‘ਤੇ ਵੀ ਨਜ਼ਰ ਰੱਖਣੀ ਸ਼ੁਰੂ ਕਰ ਦਿੱਤੀ ਸੀ, ਜਿਸ ਤੋਂ ਬਾਅਦ ਪਤਾ ਲੱਗਾ ਕਿ ਉਹ ਅਕਸਰ ਕਿਟਰਿੰਗ ਦੇ ਇੱਕ ਇੰਟਰਨੈੱਟ ਕੈਫੇ ‘ਚ ਜਾਂਦਾ ਸੀ। ਪੁਲਿਸ ਵੱਲੋਂ ਦਾਇਰ ਕੀਤੇ ਗਏ ਹਲਫ਼ਨਾਮੇ ਵਿੱਚ ਇਹ ਵੀ ਦਾਅਵਾ ਕੀਤਾ ਗਿਆ ਹੈ ਕਿ ਸੰਜੇ ਪਟੇਲ ਉੱਤੇ ਡੇਟਨ ਅਤੇ ਵੈਨ ਵਰਟ, ਓਹੀਓ ਵਿੱਚ ਜੂਏ ਦੀਆਂ ਕਾਰਵਾਈਆਂ ਚਲਾਉਣ ਦਾ ਵੀ ਸ਼ੱਕ ਹੈ।ਮਾਰਚ 2023 ਵਿੱਚ, ਡੇਟਨ ਪੁਲਿਸ ਅਤੇ ਓਹੀਓ ਕੈਸੀਨੋ ਕੰਟਰੋਲ ਕਮਿਸ਼ਨ ਨੇ ਨੀਡਮੋਰ ਰੋਡ ‘ਤੇ ਲੱਕੀ ਡੇ ਇੰਟਰਨੈੱਟ ਕੈਫੇ ‘ਤੇ ਛਾਪਾ ਮਾਰਿਆ, ਜਿੱਥੇ ਸੰਜੇ ਪਟੇਲ ਦਾ ਇੱਕ ਰਿਸ਼ਤੇਦਾਰ ਮੈਨੇਜਰ ਵਜੋਂ ਕੰਮ ਕਰਦਾ ਸੀ। ਪੁਲਿਸ ਨੇ ਉਥੋਂ 100 ਦੇ ਕਰੀਬ ਮਸ਼ੀਨਾਂ ਅਤੇ ਵੱਡੀ ਨਕਦੀ ਬਰਾਮਦ ਕੀਤੀ ਸੀ।