ਵਿਕਟੋਰੀਆ ਵਿੱਚ 25 ਕਿ. ਮੀ. ਦੀ ਆਵਾਜਾਈ ਦੀ ਪਾਬੰਧੀ ਅੱਜ ਰਾਤ ਤੋਂ ਖ਼ਤਮ

(ਦ ਏਜ ਮੁਤਾਬਿਕ) ਪ੍ਰੀਮੀਅਰ ਡੇਨੀਅਲ ਐਂਡ੍ਰਿਊਜ਼ ਨੇ ਅੱਜ ਇੱਕ ਅਹਿਮ ਐਲਾਨਾਂ ਦੌਰਾਨ ਦੱਸਿਆ ਕਿ ਅੱਜ ਰਾਤ ਦੇ 11:59 ਤੋਂ ਮੈਲਬੋਰਨ ਅੰਦਰ ਪਹਿਲਾਂ ਤੋਂ ਲੱਗੀਆਂ ਪਾਬੰਧੀਆਂ ਵਿੱਚ ਰਿਆਇਤਾਂ ਵਿੱਚ: 25 ਕਿ. ਮੀ. ਦੀ ਆਵਾਜਾਈ ਦੀ ਹੱਦ ਖ਼ਤਮ ਕਰ ਦਿੱਤੀ ਗਈ ਹੈ; ਸ਼ਹਿਰ ਦੇ ਉਪਰ ਲੱਗਿਆ ‘ਰਿੰਗ ਆਫ ਸਟੀਲ’ ਦਾ ਘੇਰਾ ਖ਼ਤਮ; ਘਰਾਂ ਵਿੱਚ ਦੋ ਲੋਕਾਂ ਦੇ ਆਉਣ ਜਾਂ ਕਿਸੇ ਦੇ ਘਰ ਜਾਣ ਦੀ ਇਜਾਜ਼ਤ ਹੈ ਪਰੰਤੂ ਉਹ ਕਿਸੇ ਸਮੇਂ ਵੀ ਆ ਜਾ ਸਕਦੇ ਹਨ; ਰੈਸਟੋਰੈਂਟਾਂ, ਕੈਫੇ, ਪੱਬ ਆਦਿ ਵਿੱਚ ਇਨਡੋਰ 40 ਵਿਅਕਤੀਆਂ ਦੇ ਬੈਠਣ ਦੀ ਇਜਾਜ਼ਤ ਹੈ ਅਤੇ ਆਊਟਡੋਰ 70 ਵਿਅਕਤੀ ਬੈਠ ਸਕਦੇ ਹਨ; ਜਿਮ ਜਾਂ ਹੋ ਰ ਇਨਡੋਰ ਸਪੋਰਟਸ ਦੀਆਂ ਥਾਵਾਂ ਉਪਰ 20 ਲੋਕ ਇਕੱਠੇ ਹੋ ਸਕਦੇ ਹਨ -ਪਰੰਤੂ ਸਮਾਜਿਕ ਦੂਰੀ ਦਾ ਧਿਆਨ ਰੱਖਣਾ ਜ਼ਰੂਰੀ ਹੈ ਅਤੇ 18 ਸਾਲ ਤੋਂ ਘੱਟ ਬੱਚਿਆਂ ਦੀਆਂ ਖੇਡਾਂ ਉਪਰ ਵੀ ਹੁਣ ਪਾਬੰਧੀ ਚੁੱਕ ਲਈ ਗਈ ਹੈ; ਧਾਰਮਿਕ ਸਮਾਗਮਾਂ, ਅੰਤਿਮ ਰਸਮਾਂ, ਅੰਤਿਮ ਸੰਸਕਾਰ ਆਦਿ ਲਈ -ਇਨਡੋਰ ਲਈ 20 ਲੋਕਾਂ ਦੀ ਇਜਾਜ਼ਤ ਹੈ ਅਤੇ ਬਾਹਰਵਾਰ 50 ਲੋਕਾਂ ਦੀ ਇਜਾਜ਼ਤ ਦਿੱਤੀ ਗਈ ਹੈ ਅਤੇ ਵਿਆਹ ਸ਼ਾਦੀਆਂ ਲਈ ਪਹਿਲਾਂ ਵਾਲੀਆਂ ਸ਼ਰਤਾਂ ਹੀ ਲਾਗੂ ਹਨ; ਰਾਤ ਭਰ ਰੁਕਣ ਦੀਆਂ ਥਾਵਾਂ ਖੋਲ੍ਹ ਦਿੱਤੀਆਂ ਗਈਆਂ ਹਨ ਪਰੰਤੂ ਰੁਕਣ ਵਾਲਿਆਂ ਉਪਰ ਪਹਿਲਾਂ ਵਾਲੀਆਂ ਸੀਮਾ-ਰੇਖਾਵਾਂ ਲਾਗੂ ਹਨ; ਅੰਦਰਵਾਰ ਦੇ ਮਨੋਰੰਜਨ ਪ੍ਰੋਗਰਾਮ ਜਿਵੇਂ ਕਿ ਥਿਏਟਰ, ਗੈਲਰੀਆਂ, ਮਿਊਜ਼ਿਅਮ ਜਾਂ ਮਿਊਜ਼ਿਕ ਹਾਲ ਆਦਿ ਲਈ ਜਗ੍ਹਾ ਦੀ ਸਮਰੱਥਾ ਦੇ ਮੁਤਾਬਿਕ 20 ਲੋਕਾਂ ਦੀ ਇਜਾਜ਼ਤ ਹੈ।

Install Punjabi Akhbar App

Install
×