ਵੱਡੀ ਜੌਬ-ਛੋਟੇ ਕੰਮ: ਯੂਨੀਟੈਕ ਇੰਸਟੀਚਿਊਟ ਲੈਕਚਰਾਰ ਨੂੰ ਦੋ ਲੜਕੀਆਂ ਨਾਲ ਗੈਰਕਾਨੂੰਨੀ ਜਿਨਸੀ ਸਬੰਧਾਂ ਲਈ 4 ਸਾਲ 9 ਮਹੀਨੇ ਦੀ ਜ਼ੇਲ੍ਹ  

NZ PIC 12 Jan-1

ਨਿਊਜ਼ੀਲੈਂਡ ਦੀ ਇਕ ਵਕਾਰੀ ਸਿੱਖਿਆ ਸੰਸਥਾ ‘ਯੂਨੀਟੈਕ ਇੰਸਟੀਚਿਊਟ ਆਫ ਤਕਨਾਲੋਜੀ’ ਦੇ ਇਕ ਕੰਪਿਊਟਰ ਸਾਇੰਸ ਲੈਕਚਰਾਰਾ ਸ਼ਨੀਲ ਨਾਰਾਇਣ ਨੂੰ ਪੰਜ ਸਾਲ ਪਹਿਲਾਂ ਦੀ ਇਕ ਘਟਨਾ ਜਿਸ ਦੇ ਵਿਚ ਉਸਨੇ ਦੋ ਕੁੜੀਆਂ ਜਿਨ੍ਹਾਂ ਦੀ ਉਮਰ ਕ੍ਰਮਵਾਰ 9 ਅਤੇ 12 ਸਾਲ ਸੀ, ਦੇ ਨਾਲ ਗੈਰ ਕਾਨੂੰਨੀ ਜਿਨਸੀ ਸਬੰਧ ਬਣਾਏ ਸਨ। 45 ਸਾਲਾ ਸ਼ਨੀਲ ਨਰਾਇਣ ਨੇ ਅਜੇ ਵੀ ਆਪਣੇ ਆਪ ਨੂੰ ਕਸੂਰਵਾਰ ਨਹੀਂ ਮੰਨਿਆ ਹੈ ਭਾਵੇਂ ਕਿ ਅਦਾਲਤ ਨੇ ਉਸ ਉਤੇ ਦੋਸ਼ ਸਿੱਧ ਕਰ ਦਿੱਤੇ ਹਨ। ਇਕ ਦੋਸ਼ ਗੈਰ ਕਾਨੂੰਨੀ ਸਬੰਧ ਬਣਾਉਣ  ਦਾ ਹੈ ਜਦ ਕਿ 6 ਦੋਸ਼ 12 ਸਾਲ ਤੋਂ ਘੱਟ ਉਮਰ ਦੀ ਕੁੜੀ ਨਾਲ ਜਿਨਸੀ ਵਤੀਰਾ ਕਰਨ ਦਾ ਅਤੇ ਇਕ ਦੋਸ਼ 16 ਸਾਲ ਤੋਂ ਘੱਟ ਉਮਰ ਦੀ ਕੁੜੀ ਨਾਲ ਜਿਨਸੀ ਵਤੀਰਾ ਰੱਖਣ ਦਾ ਹੈ।  ਇਹ ਘਟਨਾ 2008 ਤੋਂ 2009 ਦੀ ਹੈ। ਘਟਨਾ ਵੇਲੇ ਇਹ ਕੁੜੀਆਂ ਨੂੰ ਇਕ ਗੇਮ ਸਿਖਾਉਣ ਦੇ ਚੱਕਰ ਵਿਚ ਸੀ ਅਤੇ ਬਹਾਨੇ ਨਾਲ ਉਸਨੇ ਉਨ੍ਹਾਂ ਦੇ ਸਰੀਰਾਂ ਨੂੰ ਸਪਰਸ਼ ਕੀਤਾ। ਇਨ੍ਹਾਂ ਘਟਨਾਵਾਂ ਤੋਂ ਬਾਅਦ ਉਹ ਕੁੜੀਆਂ ਬਹੁਤ ਪ੍ਰੇਸ਼ਾਨ ਰਹੀਆਂ, ਪੜ੍ਹਾਈ ਖਰਾਬ ਹੋਈ ਅਤੇ ਡਾਕਟਰੀ ਸਹਾਇਤਾ ਲੈਣੀ ਪਈ। ਇਨ੍ਹਾਂ ਸਾਰੇ ਦੇ ਚਲਦਿਆਂ ਮਾਣਯੋਗ ਆਕਲੈਂਡ ਜ਼ਿਲ੍ਹਾ ਅਦਾਲਤ ਨੇ ਇਸ ਲੈਕਚਰਾਰ ਨੂੰ 4 ਸਾਲ 9 ਮਹੀਨੇ ਦੀ ਜ਼ੇਲ੍ਹ ਦੀ ਸਜ਼ਾ ਸੁਣਾਈ ਹੈ। ਇਹ ਲੈਕਚਰਾਰ ਇਸ ਸੰਸਥਾ ਦੇ ਵਿਚ 16 ਸਾਲ ਤੋਂ ਪੜ੍ਹਾ ਰਿਹਾ ਸੀ। ਰੇਟ ਮਾਈ ਟੀਚਰ ਦੇ ਵਿਚ ਬਹੁਤੇ ਵਿਦਿਆਰਥੀਆਂ ਨੇ ਇਸ ਨੂੰ ਬਹੁਤ ਹੀ ਜਾਣਕਾਰੀ ਵਾਲਾ ਟੀਚਰ, ਸਖਤ ਅਤੇ ਕਈ ਵਾਰ ਰੁੱਖਾ ਆਦਿ ਲਿਖਿਆ ਹੈ। ਕਈਆਂ ਨੇ ਲਿਖਿਆ ਕਿ ਸਹਾਇਤਾ ਨਹੀਂ ਕਰਦਾ ਸੀ ਤੇ ਰੁੱਖੇ ਵਤੀਰੇ ਵਾਲਾ ਸੀ। ਸੋ ਕਈ ਵਾਰ ਮਨੁੱਖ ਨੂੰ ਵੱਡੀ ਜੌਬ ਮਿਲੀ ਹੁੰਦੀ ਹੈ ਪਰ ਉਹ ਮੌਕਾ ਮਿਲੇ ਛੋਟੇ ਕੰਮ ਕਰਨ ਤੋਂ ਬਾਜ਼ ਨਹੀਂ ਆਉਂਦਾ।

Install Punjabi Akhbar App

Install
×