Deprecated: Required parameter $position follows optional parameter $tags in /home/punjabia/public_html/wp-content/plugins/fluentformpro/src/Components/Post/Components/PostContent.php on line 14
ਪ੍ਰਧਾਨ ਮੰਤਰੀ ਸਕਾਟ ਮੋਰੀਸਨ ਨੇ ਕੇਰਨਜ਼ ਮੈਰੀਨ ਖੇਤਰ ਲਈ ਦਿੱਤੇ ਗੱਫੇ | Punjabi Akhbar | Punjabi Newspaper Online Australia

ਪ੍ਰਧਾਨ ਮੰਤਰੀ ਸਕਾਟ ਮੋਰੀਸਨ ਨੇ ਕੇਰਨਜ਼ ਮੈਰੀਨ ਖੇਤਰ ਲਈ ਦਿੱਤੇ ਗੱਫੇ

ਚੋਣਾਂ ਦਾ ਮਾਹੌਲ ਦਿਨ ਪ੍ਰਤੀ ਦਿਨ ਭੱਖਦਾ ਜਾ ਰਿਹਾ ਹੈ ਅਤੇ ਵੱਡੇ ਨੇਤਾਵਾਂ ਦੇ ਬਿਆਨ ਵੀ ਹਰ ਰੋਜ਼ ਹੀ ਨਵਾਂ ਰੰਗ ਲੈ ਕੇ ਲੋਕਾਂ ਸਾਹਮਣੇ ਆ ਰਹੇ ਹਨ।
ਚੋਣਾਂ ਲਈ ਕੈਂਪਨ ਦੌਰਾਨ ਪ੍ਰਧਾਨ ਮੰਤਰੀ ਸਕਾਟ ਮੋਰੀਸਨ ਨੇ ਵੀ ਬੀਤੇ ਦਿਨ ਵੀਰਵਾਰ ਨੂੰ ਕੁਈਨਜ਼ਲੈਂਡ ਦਾ ਦੌਰਾ ਕਰਦਿਆਂ ਕਰੇਨਜ਼ ਖੇਤਰ ਵਿੱਚ ਆਪਣੇ ਭਾਸ਼ਣ ਕੀਤੇ ਅਤੇ ਇਸ ਦੌਰਾਨ ਉਨ੍ਹਾਂ ਨੇ ਕੇਰਨਜ਼ ਮੈਰੀਨ ਖੇਤਰ ਲਈ 24 ਮਿਲੀਅਨ ਡਾਲਰਾਂ ਦਾ ਇੱਕ ਪਲਾਨ ਵੀ ਜਾਰੀ ਕਰ ਦਿੱਤਾ।
ਪ੍ਰਧਾਨ ਮੰਤਰੀ ਨੇ ਵੱਧਦੀ ਮਹਿੰਗਾਈ ਵਾਸਤੇ ਸਿੱਧੇ ਤੌਰ ਤੇ ਅੰਤਰ-ਰਾਸ਼ਟਰੀ ਪੱਧਰ ਦੀਆਂ ਕਾਰਗੁਜ਼ਾਰੀਆਂ ਅਤੇ ਸਾਫ਼ ਤੌਰ ਤੇ ਰੂਸ-ਯੂਕਰੇਨ ਦੀ ਲੜਾਈ ਨੂੰ ਜ਼ਿੰਮਾਵਾਰ ਠਹਿਰਾਉਂਦਿਆਂ ਕਿਹਾ ਕਿ ਵਿਰੋਧੀ ਅਸਲ ਸੱਚਾਈਆਂ ਨੂੰ ਭਲੀ ਭਾਂਤੀ ਜਾਣਦੇ ਅਤੇ ਸਮਝਦੇ ਵੀ ਹਨ ਪਰੰਤੂ ਉਹ ਬਸ ਮੌਜੂਦਾ ਸਰਕਾਰ ਨੂੰ ਹੀ ਇਸ ਦਾ ਜ਼ਿੰਮੇਵਾਰ ਠਹਿਰਾਉਣਗੇ। ਉਨ੍ਹਾਂ ਇਹ ਵੀ ਕਿਹਾ ਕਿ ਜਨਤਾ ਸਭ ਜਾਣਦੀ ਹੈ ਅਤੇ ਕਿਸ ਨੇ ਕੀ ਕੀਤਾ…. ਸਭ ਨੂੰ ਪਤਾ ਹੀ ਹੈ।
ਉਧਰ ਲੇਬਰ ਦੇ ਖ਼ਜ਼ਾਨਚੀ ਅਤੇ ਬੁਲਾਰੇ -ਜਿਮ ਚਾਮਰਜ਼ ਨੇ ਇਸ ਦੇ ਜਵਾਬ ਵਿੱਚ ਕਿਹਾ ਕਿ ਅਸੀਂ ਤਾਂ ਪਹਿਲਾਂ ਹੀ ਕਹਿ ਰਹੇ ਹਾਂ ਕਿ ਮੌਜੂਦਾ ਸਰਕਾਰ ਦੇਸ਼ ਵਿੱਚ ਜੇਕਰ ਕੁੱਝ ਸਹੀ ਹੁੰਦਾ ਹੈ ਤਾਂ ਕਹਿੰਦੀ ਹੈ ਕਿ ਉਹ ਆਪ (ਮੌਜੂਦਾ ਮੋਰੀਸਨ ਸਰਕਾਰ) ਹੀ ਕਰ ਰਹੀ ਹੈ ਪਰੰਤੂ ਜੇਕਰ ਕੁੱਝ ਉਲਟ ਅਤੇ ਗਲਤ ਹੁੰਦਾ ਹੈ -ਜਿਵੇਂ ਕਿ ਮਹਿੰਗਾਈ, ਤਾਂ ਸਰਕਾਰ ਕਹਿੰਦੀ ਹੈ ਕਿ ਇਹ ਤਾਂ ਅੰਤਰ-ਰਾਸ਼ਟਰੀ ਕਾਰਨਾਂ ਕਰਕੇ ਹੈ…. ਇਸ ਵਿੱਚ ਮੌਜੂਦਾ ਸਰਕਾਰ ਦਾ ਕੋਈ ਲੈਣਾ ਦੇਣਾ ਹੀ ਨਹੀਂ ਹੈ।

Install Punjabi Akhbar App

Install
×