ਨਿਊਜ਼ੀਲੈਂਡ ‘ਚ 10 ਸਾਲ ਦੀ ਮਿਆਦ ਵਾਲਾ ਪਾਸਪੋਰਟ ਇਸ ਸਾਲ ਦੇ ਅੰਤ ਵਿਚ ਸ਼ੁਰੂ ਹੋਵੇਗਾ

NZ PIC 25 May-2ਨਿਊਜ਼ੀਲੈਂਡ ਦੇ ਅੰਦਰੂਨੀ ਮਾਮਲਿਆਂ ਬਾਰੇ ਮੰਤਰੀ ਸ੍ਰੀ ਪੀਟਰ ਡੱਨ ਨੇ ਅੱਜ ਜਾਰੀ ਬਿਆਨ ਵਿਚ ਕਿਹਾ ਹੈ ਕਿ ਨਿਊਜ਼ੀਲੈਂਡ ਵਾਸੀ ਇਸ ਸਾਲ ਦੇ ਅੰਤ ਤੱਕ 10 ਸਾਲ ਦੀ ਮਿਆਦ ਵਾਲੇ ਪਾਸਪੋਰਟ ਦੀ ਸੁਵਿਧਾ ਦਾ ਫਾਇਦਾ ਚੁੱਕਣਾ ਸ਼ੁਰੂ ਕਰ ਦੇਣਗੇ। ਇਸ ਨੂੰ ਹੋਰ ਘੱਟ ਲਾਗਤ ਵਾਲਾ ਅਤੇ ਹਵਾਈ ਆਵਾਜਾਈ ਲਈ ਲਾਭਕਾਰੀ ਬਣਾਇਆ ਜਾ ਰਿਹਾ ਹੈ। ਬੱਚਿਆਂ ਦੇ ਪਾਸਪੋਰਟ ਅਜੇ ਪੰਜ ਸਾਲ ਦੀ ਮਿਆਦ ਤੱਕ ਹੀ ਰਹਿਣਗੇ। 10 ਸਾਲਾ ਪਾਸਪੋਰਟ ਦੀ ਲਾਗਤ 180 ਡਾਲਰ ਰੱਖੀ ਗਈ ਹੈ। ਪਾਸਪੋਰਟ ਦੀ ਮਿਆਦ ਵਿਚ ਬਦਲਾਅ ਲਈ ਇਸੇ ਸਾਲ ਦੇ ਅੰਤ ਤੱਕ ਕਾਨੂੰਨੀ ਸੋਧ ਕੀਤੀ ਜਾਵੇਗੀ। ਸਰਕਾਰ ਬੱਚਿਆਂ ਦੇ ਲਈ ਵੀ ਆਨ ਲਾਈਨ ਪਾਸਪੋਰਟ ਐਪਲੀਕੇਸ਼ਨ ਸੁਵਿਧਾ ਦੇਣ ਉਤੇ ਵਿਚਾਰ ਕਰ ਰਹੀ ਹੈ। ਇਸ ਵੇਲੇ 40% ਬਾਲਗ ਲੋਕ ਆਨ ਲਾਈਨ ਸੇਵਾ ਪਾਸਪੋਰਟ ਨਵਿਆਉਣ ਲਈ ਵਰਤ ਰਹੇ ਹਨ। ਵਰਨਣਯੋਗ ਹੈ ਕਿ ਕੀਵੀ ਪਾਸਪੋਰਟ ਹੋਲਡਰ 170 ਦੇਸ਼ਾਂ ਦੇ ਵਿਚ ਬਿਨਾਂ ਵੀਜ਼ਾ ਅਪਲਾਈ ਕੀਤਿਆਂ ਜਾ ਸਕਦੇ ਹਨ।

Install Punjabi Akhbar App

Install
×