ਹਿੰਦੂ, ਸਿੱਖ ਅਤੇ ਮੁਸਲਿਮ ਕਮਿਊਨਿਟੀ ਵਲੋਂ ਲੈਰੀ ਹੋਗਨ ਦੀ ਪੂਰੀ ਹਮਾਇਤ 

ਸੈਕਟਰੀ ਸਟੇਟ ਤੇ ਪਤਵੰਤਿਆਂ ਦਾ ਮੰਦਰ ਪ੍ਰਬੰਧਕ ਕਮੇਟੀ ਨੇ ਕੀਤਾ ਵਿਸ਼ੇਸ਼ ਸਨਮਾਨ

image2

ਮੈਰੀਲੈਂਡ – ਗਵਰਨਰ ਮੈਰੀਲੈਂਡ ਲੈਰੀ ਹੋਗਨ ਦੀ ਚੋਣ ਮੁਹਿੰਮ ਨੂੰ ਲੈ ਕੇ ਵੱਖ-ਵੱਖ ਧਰਮ ਅਸਥਾਨਾਂ ਤੇ ਪੂਜਾ ਕੀਤੀ ਜਾ ਰਹੀ ਹੈ। ਜਿੱਥੇ ਉਨ੍ਹਾਂ ਦੀਆਂ ਕਾਰਗੁਜ਼ਾਰੀਆ ਨੂੰ ਸਾਂਝਾ ਕੀਤਾ ਜਾ ਰਿਹਾ ਹੈ।ਉੱਥੇ ਉਨ੍ਹਾਂ ਦੀ ਵਧੀਆ ਸਖਸ਼ੀਅਤ ਦਾ ਬੋਲਬਾਲਾ ਵੀ ਹੋ ਰਿਹਾ ਹੈ। ਡਾ. ਅਰੁਣ ਭੰਡਾਰੀ ਦੀ ਅਗਵਾਈ ਵਿੱਚ ਸੈਕਟਰੀ ਸਟੇਟ ਵੂਬਨ ਸਮਿਥ ਨੂੰ ਸਥਾਨਕ ਮੰਦਿਰ ਵਿੱਚ ਬੁਲਾਇਆ ਗਿਆ। ਜਿੱਥੇ ਸਾਰੇ ਭਾਈਚਾਰਿਆ ਨੇ ਸਾਂਝੇ ਤੌਰ ਤੇ ਸੈਕਟਰੀ ਸਟੇਟ ਦਾ ਸਵਾਗਤ ਕੀਤਾ। ਉਪਰੰਤ ਸੈਕਟਰੀ ਸਟੇਟ ਵਲੋਂ ਲੈਰੀ ਹੋਗਨ ਗਵਰਨਰ ਦੀਆਂ ਉਪਲਬਧੀਆਂ ਤੇ ਕਾਰਗੁਜ਼ਾਰੀਆ ਨੂੰ ਆਏ ਮਹਿਮਾਨਾਂ ਨਾਲ ਸਾਂਝਾ ਕੀਤਾ।

image1 (1)

ਲੈਰੀ ਹੋਗਨ ਗਵਰਨਰ ਮੈਰੀਲੈਂਡ ਵਲੋਂ ਮੰਦਰ ਦੀ ਪ੍ਰਬੰਧਕ ਕਮੇਟੀ ਨੂੰ ਸੈਕਟਰੀ ਸਟੇਟ ਨੇ ਸਾਈਟੇਸ਼ਨ ਭੇਂਟ ਕੀਤਾ। ਉਪਰੰਤ ਆਈਆਂ ਸਖਸ਼ੀਅਤਾਂ ਨੂੰ ਸਨਮਾਨਿਤ ਕੀਤਾ ਗਿਆ। ਜਿਨਾ ਵਿੱਚ ਜਸਦੀਪ ਸਿੰਘ ਜੱਸੀ ਚੇਅਰਮੈਨ ਸਾਊਥ ਏਸ਼ੀਅਨ ਕਮਿਸ਼ਨਰ, ਉੱਪ ਚੇਅਰਮੈਨ ਸਾਜਿਦ ਤਰਾਰ, ਡਾ. ਕਾਰਤਿਕ ਡਿਸਾਈ, ਡਾ. ਰਿਜਵੀ ,ਡਾ. ਅਰਨ ਭੰਡਾਰੀ ਸੂਬੀ ਮੁਨੀਆਂ ਸਵਾਮੀ,ਮੁਰਾਲੀ ਪ੍ਰਾਰਥੀ ,ਦੀਪਕ ਠਾਕੁਰ ,ਜੇ ਪਾਰੁਕ ਤੇ ਪ੍ਰਬੰਧਕ ਵੀ ਸ਼ਾਮਲ ਸਨ।

ਸੰਖੇਪ ਮਿਲਣੀ ਦੌਰਾਨ ਜੱਸੀ ਤੇ ਸੀਜੇ ਨੇ ਸੈਕਟਰੀ ਸਟੇਟ ਨਾਲ ਪਾਕਿਸਤਾਨ ਜਾਣ ਵਾਲੇ ਬਿਜ਼ਨਸ ਡੈਲੀਗੇਟ ਸਬੰਧੀ ਵਿਚਾਰਾਂ ਕੀਤੀਆਂ। ਉਪਰੰਤ ਦੁਪਹਿਰੀ ਭੋਜ ਕੀਤਾ। ਸਮਾਗਮ ਬਹੁਤ ਹੀ ਪ੍ਰਭਾਵਸ਼ਾਲੀ ਤੇ ਹੋਗਨ ਦੀ ਉਮੀਦਵਾਰੀ ਲਈ ਖਰਾ ਉਤਰਿਆ। ਲੈਰੀ ਹੋਗਨ ਦੀ ਜਿੱਤ ਵਾਸਤੇ ਪ੍ਰਾਥਨਾ ਕੀਤੀ ਗਈ।ਉਂਨਾਂ ਵੱਲੋਂ ਮੈਰੀਲੈਡ ਸਟੇਟ ਨੂੰ ਦਿੱਤੀਆਂ ਸੁਵਿਧਾਵਾਂ ਬਾਰੇ ਖ਼ਾਸ ਜ਼ਿਕਰ ਕੀਤਾ ਗਿਆ ।

Welcome to Punjabi Akhbar

Install Punjabi Akhbar
×