ਲੇਖਕ ਸਭਾ ਵੱਲੋਂ ਨਵੀਂ ਕਮੇਟੀ ਦਾ ਗਠਨ -ਦਲਜੀਤ ਸਿੰਘ ਪ੍ਰਧਾਨ ਅਤੇ ਰੀਤਿਕਾ ਅਹੀਰ ਉੱਪ ਪ੍ਰਧਾਨ ਨਿਯੁਕਤ

(ਬ੍ਰਿਸਬੇਨ) ਇੱਥੇ ਗਲੋਬਲ ਇੰਸਟੀਟਿਊਟ ਵਿਖੇ ਪੰਜਾਬੀ ਭਾਸ਼ਾ ਅਤੇ ਪਸਾਰ ਲਈ ਕਾਰਜਸ਼ੀਲ ਸੰਸਥਾ ਆਸਟ੍ਰੇਲੀਅਨ ਪੰਜਾਬੀ ਲੇਖਕ ਸਭਾ ਬ੍ਰਿਸਬੇਨ ਵੱਲੋਂ ਆਯੋਜਿਤ ਕਵੀ ਦਰਬਾਰ ਵਿੱਚ ਨਾਮਵਰ ਗੀਤਕਾਰ ਤੇ ਸ਼ਾਇਰ ਕਰਨੈਲ ਸਿੰਘ ਮਾਂਗਟ ਦਾ ਪਲੇਠਾ ਗ਼ਜ਼ਲ ਸੰਗ੍ਰਹਿ ਪਾਠਕਾਂ ਦੇ ਸਨਮੁੱਖ ਕੀਤਾ ਗਿਆ। ਇਸ ਮੌਕੇ ਸੰਸਥਾ ਦੇ ਦੋ ਸਾਲ ਪੂਰੇ ਹੋਣ ਅਤੇ ਆਉਂਦੇ ਸਾਲ ਲਈ ਨਵੀਂ ਕਾਰਜਕਾਰਨੀ ਕਮੇਟੀ ਦੀ ਚੋਣ ਕੀਤੀ ਗਈ। ਮਸ਼ਹੂਰ ਗ਼ਜ਼ਲਗੋ ਅਤੇ ਨਵੇਂ ਚੁਣੇ ਗਏ ਸਹਾਇਕ ਸੈਕਟਰੀ ਜਸਵੰਤ ਵਾਗਲਾ ਵੱਲੋਂ ਕਰਨੈਲ ਸਿੰਘ ਮਾਂਗਟ ਦੇ ਸਾਹਤਿਕ ਤਜ਼ਰਬਿਆਂ ਨੂੰ ਸਰੋਤਿਆਂ ਦੇ ਰੂਬਰੂ ਕੀਤਾ ਗਿਆ। ਮਸ਼ਹੂਰ ਗੀਤਕਾਰ ਨਿਰਮਲ ਸਿੰਘ ਦਿਓਲ ਨੇ ਕਿਹਾ ਕਿ ਚੰਗੀ ਕਵਿਤਾ ਹਮੇਸ਼ਾਂ ਸਰਾਹੀ ਜਾਂਦੀ ਹੈ। ਗੀਤਕਾਰ ਰੱਤੂ ਰੰਧਾਵਾ ਦੇ ਗੀਤਾਂ ਨੂੰ ਸਲਾਹਿਆ ਗਿਆ। ਨਵੀਂ ਕਮੇਟੀ ‘ਚ ਮੀਡੀਆ ਸਲਾਹਕਾਰ ਵਰਿੰਦਰ ਅਲੀਸ਼ੇਰ ਅਤੇ ਜਨਰਲ ਸੈਕਟਰੀ ਪਰਮਿੰਦਰ ਸਿੰਘ ਹਰਮਨ ਅਨੁਸਾਰ ਇਸ ਸਕੂਲ ਰੂਪੀ ਸੰਸਥਾ ਵਿੱਚ ਹਰ ਉਮਰ ਵਰਗ ਦਾ ਸਵਾਗਤ ਹੈ। ਸਭਾ ਵੱਲੋਂ ਨਵੇਂ ਚੁਣੇ ਗਏ ਪ੍ਰਧਾਨ ਦਲਜੀਤ ਸਿੰਘ ਅਤੇ ਉੱਪ ਪ੍ਰਧਾਨ ਰੀਤਿਕਾ ਅਹੀਰ ਦਾ ਗਰਮ ਜੋਸ਼ੀ ਨਾਲ ਸਵਾਗਤ ਕੀਤਾ ਗਿਆ। ਗੁਰਵਿੰਦਰ ਸਿੰਘ ਨੂੰ ਸਲਾਹਕਾਰ ਅਤੇ ਹਰਮਨਦੀਪ ਗਿੱਲ ਨੂੰ ਖਜ਼ਾਨਚੀ ਲਈ ਚੁਣਿਆ ਗਿਆ। ਗੌਰਤਲਬ ਹੈ ਕਿ ਸਾਰੀ ਨਵੀਂ ਕਮੇਟੀ ਮੈਂਬਰਾਂ ਦੀਆਂ ਵੋਟਾਂ ਦੇ ਆਧਾਰ ‘ਤੇ ਚੁਣੀ ਗਈ। ਮੰਚ ਸੰਚਾਲਕ ਰਿਤੀਕਾ ਅਹੀਰ ਵੱਲੋਂ ਕੀਤਾ ਗਿਆ।

ਅਮਿੱਟ ਪੈੜਾਂ ਛੱਡ ਗਈ ਹਰਭਜਨ ਮਾਨ ਦੀ ਵਿਲੱਖਣ ਗਾਇਕੀ

(ਬ੍ਰਿਸਬੇਨ) ਇੱਥੇ ਸਾਫ਼-ਸੁੱਥਰੀ ਗਾਇਕੀ ਨੂੰ ਸਮਰਪਿਤ ਸੂਬਾ ਕੁਈਨਜ਼ਲੈਂਡ ਦੇ ਖ਼ੂਬਸੂਰਤ ਸ਼ਹਿਰ ਗੋਲਡਕੋਸਟ ਵਿਖੇ ਸਥਾਨਕ ਪੰਜਾਬੀ ਲੋਕਾਈ ਅਤੇ ਪ੍ਰਬੰਧਕ ਮਨਮੋਹਨ ਸਿੰਘ ਅਤੇ ਸਾਥੀਆਂ ਵੱਲੋਂ ਪ੍ਰਸਿੱਧ ਲੋਕਗਾਇਕ ਅਤੇ ਅਦਾਕਾਰ ਹਰਭਜਨ ਮਾਨ ਦੀ ਯਾਦਗਾਰ ਗਾਇਕੀ ਦੀ ਸ਼ਾਮ ਬੜੇ ਹੀ ਉਤਸ਼ਾਹ ਨਾਲ ਕਰਵਾਈ ਗਈ।ਖਚਾਖਚ ਭਰੇ ਹਾਲ ‘ਚ ਹਰਭਜਨ ਮਾਨ ਦੀ ਦਸਤਕ ਦਾ ਸਵਾਗਤ ਤਾੜੀਆਂ ਦੀ ਗੜ-ਗੜਾਹਟ ਨਾਲ ਕੀਤਾ ਗਿਆ।ਉਨ੍ਹਾਂ ਪ੍ਰੋਗਰਾਮ ਦੀ ਸ਼ੁਰੂਆਤ ਪਰਮਾਤਮਾ ਨੂੰ ਯਾਦ ਕਰਦਿਆਂ ਗੀਤ ‘ਪਤਾ ਨੀ ਰੱਬ ਕਿਹੜਿਆਂ ਰੰਗਾਂ ਵਿੱਚ ਰਾਜ਼ੀ’ ਨਾਲਕੀਤੀ। ‘ਮੌਜ ਮਸਤੀਆਂ ਮਾਣ’, ‘ਮੈਂ ਵਾਰੀ ਸੰਮੀਏ’, ‘ਮਾਵਾਂ ਠੰਡੀਆਂ ਛਾਵਾਂ’, ‘ਜੱਗ ਜਿਉਦਿਆਂ ਦੇ ਮੇਲੇ’, ‘ਗੱਲਾ ਗੋਰੀਆਂ ਦੇਵਿੱਚ ਟੋਏ’, ‘ਯਾਦਾਂ ਰਹਿ ਜਾਣੀਆਂ’, ‘ਚਿੱਠੀਏ ਨੀ ਚਿੱਠੀਏ’, ‘ਠਹਿਰ ਜਿੰਦੜੀਏ’, ‘ਕੰਗਣਾਂ’ ਆਦਿ ਆਪਣੇ ਅਨੇਕਾਂ ਮਕਬੂਲਗੀਤਾਂ ਨਾਲ ਕੁਦਰਤ ਅਤੇ ਇੰਨਸਾਨੀ ਰਿਸ਼ਤਿਆਂ ਨੂੰ ਜਿਊਂਦਾ ਕੀਤਾ। ਮਾਨ ਦਾ ਆਪਣੇ ਗੀਤਾਂ ‘ਚ ਪੰਜਾਬੀਅਤ ‘ਚ ਆਰਹੇ ਨਿਘਾਰ ਨੂੰ ਸੁਨੇਹਿਆਂ ਨਾਲ ਸਰੋਤਿਆਂ ਸੰਗ ਕਰਨਾ ਕਾਬਲੇ-ਤਾਰੀਫ਼ ਉੱਦਮ ਰਿਹਾ। ਇਸ ਸੰਗੀਤਕ ਸ਼ਾਮ ‘ਚ ਵੱਡੀਗਿਣਤੀ ‘ਚ ਬੱਚਿਆਂ ਸਮੇਤ ਪਰਿਵਾਰਾਂ ਦੀ ਹਾਜ਼ਰੀ ਮਿਆਰੀ ਅਤੇ ਉਸਾਰੂ ਗਾਇਕੀ ਲਈ ਚੰਗਾ ਸ਼ਗਨ ਸਾਬਤ ਹੋਈ।ਨੀਰਜ ਪੋਪਲੀ ਅਤੇ ਮਨਪ੍ਰੀਤ ਕੌਰ ਵੱਲੋਂ ਮੰਚ ਦਾ ਸੰਚਾਲਨ ਬਾਖੂਬੀ ਨਿਭਾਇਆ ਗਿਆ। ਅੰਤ ਵਿੱਚ ਮੁੱਖ ਪ੍ਰਬੰਧਕਮਨਮੋਹਣ ਸਿੰਘ ਨੇ ਸਮੂਹ ਸਰੋਤਿਆਂ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਹਰਭਜਨ ਮਾਨ ਦੀ ਮਿਆਰੀ ਅਤੇ ਸਮਾਜ ਨੂੰ ਸੇਧਦੇਣ ਵਾਲੀ ਗਾਇਕੀ ਕਾਰਨ ਉਨ੍ਹਾਂ ਦੇ ਦੁਨੀਆਂ ਭਰ ‘ਚ ਕੀਤੇ ਜਾ ਰਹੇ ਸ਼ੋਆਂ ਨੂੰ ਸਰੋਤਿਆਂ ਵੱਲੋਂ ਅੱਜ ਵੀ ਭਰਵਾਂ ਹੁੰਗਾਰਾਮਿਲ ਰਿਹਾ ਹੈ, ਜੋ ਕਿ ਪੰਜਾਬੀਅਤ ਲਈ ਸ਼ੁਭ ਸ਼ਗਨ ਹੈ। 2024 ‘ਚ ਦੇਸੀ ਰੌਕਸ ਦੇ ਬੈਨਰ ਹੇਠ ਮੁੜ ਮਿਲਣ ਦੇ ਵਾਅਦੇਨਾਲ ਮਾਨ ਦਾ ਇਹ ਸ਼ੋਅ ਪੰਜਾਬੀਅਤ ਦੀਆਂ ਬਾਤਾਂ ਪਾਉਂਦਾ ਹੋਇਆ ਅਮਿੱਟ ਪੈੜਾਂ ਛੱਡਦਾ ਨਵੇਂ ਕੀਰਤੀਮਾਨ ਸਥਾਪਿਤਕਰ ਗਿਆ।

ਆਸਟਰੇਲੀਆ ਤੋਂ ਅੰਮ੍ਰਿਤਸਰ ਦਾ ਹਵਾਈ ਸਫ਼ਰ ਹੋਇਆ ਸੁਖਾਲਾ : ਗੁਮਟਾਲਾ

ਕੁਆਲਾਲੰਪੁਰ-ਅੰਮ੍ਰਿਤਸਰ ਸਿੱਧੀ ਉਡਾਣ 9 ਸਤੰਬਰ ਤੋਂ (ਬ੍ਰਿਸਬੇਨ) ਆਸਟਰੇਲੀਆ ਸਮੇਤ ਦੱਖਣ-ਪੂਰਬੀ ਏਸ਼ੀਆਈ ਦੇਸ਼ਾਂ ਦੇ ਪ੍ਰਵਾਸੀਆਂ ਅਤੇਸੈਲਾਨੀਆਂ ਲਈ ਕੁਆਲਾਲੰਪੁਰ ਅਤੇ ਅੰਮ੍ਰਿਤਸਰ ਦੇ ਸ੍ਰੀ ਗੁਰੂ ਰਾਮਦਾਸ ਜੀ ਅੰਤਰਰਾਸ਼ਟਰੀ ਹਵਾਈ ਅੱਡੇ ਵਿਚਕਾਰ ਮਲੇਸ਼ੀਆ ਦੀ ਮਲਿੰਡੋ ਏਅਰ ਵੱਲੋਂ 9 ਸਤੰਬਰ ਤੋਂ ਸਿੱਧੀਆਂ ਉਡਾਣਾਂ ਮੁੜ ਸ਼ੁਰੂ ਹੋਣ ਨਾਲ ਪੰਜਾਬ ਅਤੇ ਆਸਟਰੇਲੀਆ ਦੇ ਵੱਖ-ਵੱਖ ਸ਼ਹਿਰਾਂ ਵਿਚਕਾਰ ਹਵਾਈ ਸਫ਼ਰ ਕਰਨਾ ਹੋਰ ਸੁਖਾਲਾ ਹੋ ਜਾਵੇਗਾ। ਫਲਾਈ ਅੰਮ੍ਰਿਤਸਰ ਇਨੀਸ਼ੀਏਟਿਵ ਦੇਗਲੋਬਲ ਕਨਵੀਨਰ ਅਤੇ ਅੰਮ੍ਰਿਤਸਰ ਵਿਕਾਸ ਮੰਚ ਦੇ ਵਿਦੇਸ਼ ਮਾਮਲਿਆਂ ਦੇ ਸਕੱਤਰ ਸ. ਸਮੀਪ ਸਿੰਘ ਗੁਮਟਾਲਾ ਨੇ ਦੱਸਿਆ ਕਿ ਕੋਵਿਡ ਤੋਂ ਪਹਿਲਾਂ ਮਲੇਸ਼ੀਆ ਦੀ ਏਅਰ ਏਸ਼ੀਆ ਐਕਸ, ਮਲਿੰਡੋ ਅਤੇ ਸਿੰਗਾਪੁਰ ਦੀ ਸਕੂਟ ਅੰਮ੍ਰਿਤਸਰ ਤੋਂਸਿੱਧੀਆਂ ਉਡਾਣਾਂ ਨਾਲ ਪੰਜਾਬ ਨੂੰ ਕੁਆਲਾਲੰਪੁਰ ਅਤੇ ਸਿੰਗਾਪੁਰ ਰਾਹੀਂ ਆਸਟਰੇਲੀਆ ਦੇ ਸ਼ਹਿਰ ਮੈਲਬਾਰਨ, ਸਿਡਨੀ, ਪਰਥ, ਬ੍ਰਿਸਬੇਨ ਅਤੇ ਗੋਲਡ ਕੋਸਟ ਸਮੇਤ ਹੋਰਨਾਂ ਕਈ ਦੱਖਣੀ-ਏਸ਼ੀਆਂ ਦੇ ਮੁਲਕਾਂ ਨਾਲ ਜੋੜਦੀਆਂ ਸਨ।ਉਡਾਣਾਂ ਦੀ ਲਗਾਤਾਰ ਮੰਗ ਅਤੇ ਮਲਿੰਡੋ ਏਅਰ ਦੀਆਂ ਉਡਾਣਾਂ ਦੇ ਮੁੜ ਸ਼ੁਰੂ ਹੋਣ ਨਾਲ ਅੰਮ੍ਰਿਤਸਰ ਤੋਂ ਹੁਣ ਕੁਆਲਾਲੰਪੂਰ ਦੇ ਨਾਲ-ਨਾਲ ਆਸਟਰੇਲੀਆ ਦੇ ਮੈਲਬੋਰਨ, ਪਰਥ, ਬ੍ਰਿਸਬੇਨ, ਇੰਡੋਨੇਸ਼ੀਆ(ਬਾਲੀ), ਥਾਈਲੈਂਡ(ਬੈਂਕਾਕ) ਅਤੇ ਹੋਰ ਮੁਲਕਾਂ ਦਾ ਸਫ਼ਰ ਹੋਰ ਆਸਾਨ ਹੋ ਜਾਵੇਗਾ। ਗੁਮਟਾਲਾ ਨੇ ਦੱਸਿਆ ਕਿ ਸਿੰਗਾਪੁਰ ਏਅਰਲਾਈਨਜ਼ ਗਰੁੱਪ ਦੀ ਘੱਟ ਕਿਰਾਏ ਵਾਲੀ ਏਅਰਲਾਈਨ ਸਕੂਟ ਵੀ ਫਰਵਰੀ2022 ਤੋਂ ਅੰਮ੍ਰਿਤਸਰ ਅਤੇ ਸਿੰਗਾਪੁਰ ਵਿਚਕਾਰ ਉਡਾਣਾਂ ਸ਼ੁਰੂ ਕਰਨ ਤੋਂ ਬਾਅਦ ਹੁਣ ਹਫ਼ਤੇ ਵਿੱਚ ਪੰਜ ਉਡਾਣਾਂ ਦਾਸੰਚਾਲਨ ਕਰ ਰਹੀ ਹੈ। ਸਕੂਟ ਵੀ ਆਪਣੀ ਭਾਈਵਾਲ ਸਿੰਗਾਪੁਰ ਏਅਰ ਦੇ ਨਾਲ ਅੰਮ੍ਰਿਤਸਰ ਨੂੰ ਆਸਟਰੇਲੀਆ, ਅਮਰੀਕਾ (ਸਿਆਟਲ, ਸੈਨ ਫ੍ਰਾਂਸਿਸਕੋ, ਲਾਸ ਏਂਜਲਸ) ਅਤੇ ਕੈਨੇਡਾ(ਵੈਨਕੂਵਰ) ਸਮੇਤ ਦੁਨੀਆ ਭਰ ਦੇ ਹੋਰ ਕਈਹਵਾਈ ਅੱਡਿਆਂ ਨਾਲ ਜੋੜ ਰਹੀ ਹੈ ਜਿੱਥੇ ਪੰਜਾਬੀ ਭਾਈਚਾਰਾ ਵੱਡੀ ਗਿਣਤੀ ਵਿੱਚ ਹੈ। ਮਲਿੰਡੋ ਏਅਰ ਜੋ ਕਿ ਹੁਣ ਬੈਟਿਕ ਏਅਰ ਵਜੋਂ ਜਾਣੀ ਜਾਂਦੀ ਹੈ, ਦੀ ਵੈੱਬਸਾਈਟ ‘ਤੇ ਦਿੱਤੇ ਪ੍ਰੋਗਰਾਮ ਦੇ ਮੁਤਾਬਕ, ਏਅਰਲਾਈਨ ਸਤੰਬਰ ‘ਚ ਸ਼ੁੱਕਰਵਾਰ ਅਤੇ ਐਤਵਾਰ ਨੂੰ ਦੋ-ਹਫ਼ਤਾਵਾਰੀ, ਅਕਤੂਬਰ ‘ਚ ਤਿੰਨ, ਅਤੇ ਨਵੰਬਰ ਤੋਂ ਚਾਰਹਫ਼ਤਾਵਾਰੀ ਉਡਾਣਾਂ ਦਾ ਸੰਚਾਲਨ ਕਰੇਗੀ। ਇਹ ਉਡਾਣ ਕੁਆਲਾਲੰਪੁਰ ਤੋਂ ਸ਼ਾਮ 6:15 ਵਜੇ ਰਵਾਨਾ ਹੋਵੇਗੀ ਅਤੇ ਰਾਤ9:40 ਵਜੇ ਅੰਮ੍ਰਿਤਸਰ ਪਹੁੰਚੇਗੀ। ਇਹੀ ਜਹਾਜ਼ ਫਿਰ ਰਾਤ ਨੂੰ 10:30 ਵਜੇ ਵਾਪਸੀ ਦੀ ਉਡਾਣ ਭਰੇਗਾ ਅਤੇ ਸਵੇਰੇ6:50 ਵਜੇ ਕੁਆਲਾਲੰਪੁਰ ਪਹੁੰਚੇਗਾ। ਗੁਮਟਾਲਾ ਨੇ ਅੱਗੇ ਕਿਹਾ ਕਿ ਸਰਦੀਆਂ ਦੇ ਮੌਸਮ ਦੀ ਆਮਦ ਤੋਂ ਪਹਿਲਾਂ ਅੰਮ੍ਰਿਤਸਰ ਦੇ ਅੰਤਰਰਾਸ਼ਟਰੀ ਸੰਪਰਕ ਨੂੰ ਇਹਇੱਕ ਹੋਰ ਵੱਡਾ ਹੁਲਾਰਾ ਹੈ, ਖਾਸਕਰ ਜਦੋਂ ਸਰਦੀਆਂ ਦੀਆਂ ਛੁੱਟੀਆਂ ਦੋਰਾਨ ਵੱਡੀ ਗਿਣਤੀ ਵਿੱਚ ਪ੍ਰਵਾਸੀ ਪੰਜਾਬ ਦਾਦੌਰਾ ਕਰਦੇ ਹਨ। ਉਹਨਾਂ ਹੋਰ ਕਿਹਾ ਕਿ ਮਾਲਿੰਡੋ ਦੀ ਵਾਪਸੀ ਅੰਮ੍ਰਿਤਸਰ ਲਈ ਉਡਾਣਾਂ ਵਿੱਚ ਵਿਦੇਸ਼ੀ ਏਅਰਲਾਈਨਾਂ ਦੇਮਜ਼ਬੂਤ ਵਿਸ਼ਵਾਸ ਨੂੰ ਦਰਸਾਉਂਦੀ ਹੈ। ਇਹ ਹਵਾਈ ਅੱਡਾ ਨਾ ਸਿਰਫ਼ ਪੰਜਾਬ ਸਗੋਂ ਗੁਆਂਢੀ ਸੂਬੇ ਹਿਮਾਚਲ ਪ੍ਰਦੇਸ਼, ਜੰਮੂਅਤੇ ਹਰਿਆਣਾ ਦੇ ਕੁਝ ਹਿੱਸਿਆਂ ਤੋਂ ਵੀ ਯਾਤਰੀਆਂ ਦੀ ਹਵਾਈ ਆਵਾਜਾਈ ਨੂੰ ਪੂਰਾ ਕਰਦਾ ਹੈ। ਯਾਤਰੀ ਹੁਣ ਸਕੂਟ ਜਾਂਮਲਿੰਡੋ ਰਾਹੀਂ ਅੰਮ੍ਰਿਤਸਰ ਅਤੇ ਆਸਟਰੇਲੀਆ ਦੇ ਵੱਖ-ਵੱਖ ਸ਼ਹਿਰਾਂ ਵਿਚਕਾਰ ਸਿਰਫ਼ 16 ਤੋਂ 19 ਘੰਟਿਆਂ ਵਿੱਚਆਪਣਾ ਸਫ਼ਰ ਪੂਰਾ ਕਰ ਸਕਣਗੇ। ਦੱਸਣਯੋਗ ਹੈ ਕਿ ਇਹਨਾਂ ਉਡਾਣਾਂ ਦੇ ਕਿਰਾਏ ਦਿੱਲੀ ਤੋਂ ਉਡਾਣਾਂ ਦੇ ਮੁਕਾਬਲੇ ਘੱਟਹੁੰਦੇ ਹਨ ਅਤੇ ਯਾਤਰੀਆਂ ਨੂੰ ਦਿੱਲੀ ਜਾਣ ਦੀ ਖੱਜਲ-ਖੁਅਰੀ ਵੀ ਨਹੀਂ ਝੱਲਣੀ ਪੈਂਦੀ। ਉਹਨਾਂ ਕਿਹਾ ਕਿ ਅਸੀਂ ਕੋਵਿਡ ਤੋਂ ਪਹਿਲਾਂ ਏਅਰ ਏਸ਼ੀਆ ਐਕਸ ਵੱਲੋਂ ਚਲਾਈਆਂ ਜਾ ਰਹੀਆਂ ਕੁਆਲਾਲੰਪੁਰ – ਅੰਮ੍ਰਿਤਸਰ ਉਡਾਣਾਂ ਦੇ ਮੁੜ ਸ਼ੁਰੂ ਕਰਨ ਲਈ ਏਅਰਲਾਈਨ ਦੇ ਅਧਿਕਾਰੀਆਂ ਨਾਲ ਸੰਪਰਕ ਕੀਤਾ ਹੈ। ਮਲੇਸ਼ੀਆ ਲਈ ਉਡਾਣਾਂ ਦੇ ਸ਼ੁਰੂ ਹੋਣ ਨਾਲ ਪੰਜਾਬ ਦਾਸਭ ਤੋਂ ਵੱਡਾ ਹਵਾਈ ਅੱਡਾ ਅੰਮ੍ਰਿਤਸਰ, ਲੰਡਨ, ਬਰਮਿੰਘਮ, ਦੁਬਈ, ਸ਼ਾਰਜਾਹ, ਦੋਹਾ ਅਤੇ ਸਿੰਗਾਪੁਰ ਸਮੇਤ ਵਿਦੇਸ਼ ਦੇ 8 ਅੰਤਰਰਾਸ਼ਟਰੀ ਹਵਾਈ ਅੱਡਿਆਂ ਨਾਲ ਸਿੱਧਾ ਜੁੜ ਜਾਵੇਗਾ। ਉਹਨਾਂ ਪੰਜਾਬ ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ ਦਿੱਲੀ ਵਾਂਗ ਅੰਮ੍ਰਿਤਸਰ ਦੇ ਹਵਾਈ ਅੱਡੇ ਨੂੰ ਬੱਸਾਂ ਚਲਾਈਆਂ ਜਾਣ।

ਐਪਲ ਵੱਲੋਂ ‘ਹੈਕਿੰਗ’ ਤੋਂ ਬਚਣ ਲਈ ਸਾਫਟਵੇਅਰ ਅਪਡੇਟ ਦੀ ਸਲਾਹ

(ਬ੍ਰਿਸਬੇਨ) ਐਪਲ ਕੰਪਨੀ ਨੇ ਆਪਣੇ ਉਤਪਾਦਾਂ ‘ਚ ਇੱਕ ਸੁਰੱਖਿਆ ਖਾਮੀ ਦਾ ਖੁਲਾਸਾ ਕਰਦਿਆਂ ਸੰਭਾਵੀ  ‘ਹੈਕਿੰਗ’ ਤੋਂ ਸਾਵਧਾਨਰਹਿਣ ਲਈ ਕਿਹਾ ਹੈ ਅਤੇ ਦੁਨੀਆ ਭਰ ਵਿੱਚ ਐਪਲ ਆਈ ਫੋਨ, ਟੈਬਲੇਟ ਜਾਂ ਮੈਕ ਕੰਪਿਊਟਰ ਵਰਤਣ ਵਾਲੇਉਪਭੋਗਤਾਵਾਂ ਨੂੰ ਤੁਰੰਤ ਸਾਫਟਵੇਅਰ ਅਪਡੇਟ ਕਰਨ ਦੀ ਤਾਕੀਦ ਕੀਤੀ ਹੈ। ਕੰਪਨੀ ਮਾਹਰਾਂ ਦਾ ਮੰਨਣਾ ਹੈ ਕਿ ਜੇਕਰਤੁਸੀਂ ਆਪਣੇ ‘ਐਪਲ ਡਿਵਾਈਸ’ ਨੂੰ ਅੱਪਡੇਟ ਨਹੀਂ ਕੀਤਾ ਹੈ ਤਾਂ ਕੁੱਝ ‘ਹੈਕਰ’ ਇਸਦਾ ਕੰਟਰੋਲ ਆਪਣੇ ਹੱਥ ਵਿੱਚ ਲੈਸਕਦੇ ਹਨ। ਪ੍ਰਭਾਵਿਤ ਡਿਵਾਇਸਾਂ ਵਿੱਚ ਆਈਫੋਨ 6ਐੱਸ ਅਤੇ ਇਸ ‘ਤੋਂ ਬਾਅਦ ਦੇ ਮਾਡਲਾਂ ਦੇ ਨਾਲ-ਨਾਲ ਕੁੱਝ ਮੈਕਕੰਪਿਊਟਰ ਅਤੇ ਕਈ ਆਈ-ਪੈਡ ਮਾਡਲ ਸ਼ਾਮਲ ਹਨ। ਕੰਪਨੀ ਵੱਲੋਂ ਐਪਲ ਡਿਵਾਈਸਾਂ ਨੂੰ ਡਿਫਾਲਟ ਤੌਰ ਉੱਤੇ’ਆਟੋਮੈਟਿਕਲੀ ਅੱਪਡੇਟ’ ਕਰਨ ਲਈ ਸੈੱਟ ਕੀਤਾ ਗਿਆ ਹੈ ਪਰ ਇਸ ਵਿੱਚ ਕੁੱਝ ਸਮ੍ਹਾਂ ਲੱਗ ਸਕਦਾ ਹੈ। ਇਸ ਲਈਉਪਭੋਗਤਾਵਾਂ ਨੂੰ ‘ਮੈਨੂਅਲੀ ਅਪਡੇਟ’ ਕਰਨ ਦੀ ਸਲਾਹ ਦਿੱਤੀ ਜਾ ਰਹੀ ਹੈ, ਜਿਸ ਵਿੱਚ ਆਮ ਤੌਰ ‘ਤੇ ਕੁੱਝ ਕੁ ਮਿੰਟ ਹੀਲੱਗਦੇ ਹਨ। ਸੁਰੱਖਿਆ ਮਾਹਰਾਂ ਦਾ ਕਹਿਣਾ ਹੈ ਕਿ ਐਪਲ ਉਤਪਾਦਾਂ ਦੀ ਪ੍ਰਸਿੱਧੀ ਨੇ ਉਨ੍ਹਾਂ ਨੂੰ ਹੈਕਰਾਂ ਲਈ ਇੱਕਆਕਰਸ਼ਕ ਨਿਸ਼ਾਨਾ ਬਣਾ ਦਿੱਤਾ ਹੈ।

ਆਸਟਰੇਲੀਆ : ‘ਸਥਾਈ ਨਿਵਾਸ ਵੀਜ਼ਾ 2022-23’ ਲਈ ਸਕਿਲਡ ਵੀਜ਼ਾ ਸਥਾਨਾਂ ਦਾ ਐਲਾਨ

ਹੁਨਰਮੰਦ ਕਾਮਿਆਂ ਲਈ ਸਾਲਾਨਾ ਸੀਮਾ ਨੂੰ ਹਟਾਉਣ ਬਾਬਤ ਵਿਚਾਰਾਂ (ਬ੍ਰਿਸਬੇਨ) ਆਸਟੇਲੀਅਨ ਸਰਕਾਰ ਦੇ ਬਜਟ ਦੇ ਨਾਲ ਇੱਥੇ ਰਾਜਾਂ ਅਤੇ ਪ੍ਰਦੇਸ਼ਾਂ ਨੇ 2022-23 ਲਈ ਆਪਣੇ ਹੁਨਰਮੰਦ ਵੀਜ਼ਾ ਨਾਮਜ਼ਦਗੀ ਪ੍ਰੋਗਰਾਮ ਖੋਲ੍ਹ ਦਿੱਤੇ ਹਨ। ਬਹੁਤੇਰਾਜਾਂ ਵਿੱਚ ਹੁਨਰਮੰਦ ਨਾਮਜ਼ਦ ਵੀਜ਼ਾ (ਸਬਕਲਾਸ 190) ਅਤੇ ‘ਰੀਜਨਲ ਸਪਾਂਸਰਡ’ (ਸਬਕਲਾਸ 491) ਵੀਜ਼ਾਸ਼੍ਰੇਣੀਆਂ ਦੇ ਸਥਾਨਾਂ ਵਿੱਚ ਭਾਰੀ ਵਾਧੇ ਦੇ ਨਾਲ ਇਹ ਪ੍ਰਤੀਤ ਹੁੰਦਾ ਹੈ ਕਿ ਸਰਕਾਰ ਸਥਾਈ ਮਾਈਗ੍ਰੇਸ਼ਨ ਨੂੰ ਵਧਾਉਣ ਲਈਤਤਪਰ ਹੈ। ਨਿਊ ਸਾਊਥ ਵੇਲਜ਼, ਵਿਕਟੋਰੀਆ ਅਤੇ ਪੱਛਮੀ ਆਸਟਰੇਲੀਆ ਵਿੱਚ ‘ਸਬਕਲਾਸ’ 491 ਅਤੇ 190 ਦੀਆਂਸੀਟਾਂ ਵਿੱਚ ਚੋਖ਼ਾ ਵਾਧਾ ਕੀਤਾ ਹੈ। ਸਕਿਲਡ ਧਾਰਾ ਅਧੀਨ ਵੀਜ਼ਾ ਸਥਾਨ 79,600 ਤੋਂ ਵੱਧ ਕੇ 109,900 ਹੋ ਗਏਹਨ ਜਦੋਂ ਕਿ ਪਰਿਵਾਰਕ ਧਾਰਾ ਦੀਆਂ ਸੀਟਾਂ ਨੂੰ 77,300 ਤੋਂ ਘਟਾ ਕੇ 50,000 ਕਰ ਦਿੱਤਾ ਗਿਆ ਹੈ। ਮਾਹਰਾਂ ਦਾਮੰਨਣਾ ਹੈ ਕਿ ਇਹ ਕੌਮਾਂਤਰੀ ਪਾੜ੍ਹਿਆਂ ਅਤੇ ਅਸਥਾਈ ਵੀਜ਼ਾ ਧਾਰਕਾਂ ਦੇ ਸਥਾਈ ਨਿਵਾਸ (ਪੀ ਆਰ) ਲਈ ਇੱਕ ਚੰਗੀਖ਼ਬਰ ਹੈ। ਇਮੀਗ੍ਰੇਸ਼ਨ ਮਾਹਰਾਂ ਅਨੁਸਾਰ ਕੋਵਿਡ-19 ਮਹਾਂਮਾਰੀ ਤੋਂ ਆਸਟਰੇਲੀਆ ਦੀ ਆਰਥਿਕ ਰਿਕਵਰੀ ਦੇਚੱਲਦਿਆਂ ਹੁਣ ਅਸਥਾਈ ਵੀਜ਼ਾ ਧਾਰਕਾਂ ਅਤੇ ਆਫਸ਼ੋਰ ਉਮੀਦਵਾਰਾਂ ਲਈ ਨਾਮਜ਼ਦਗੀਆਂ ਦੇ ਮੌਕਿਆਂ ਦਾ ਲਾਭਉਠਾਉਣ ਦਾ ਇਹ ਇੱਕ ਵਧੀਆ ਸਮਾਂ ਹੈ। ਹੁਨਰਮੰਦ ਕਾਮਿਆਂ ਦੀ ਗੰਭੀਰ ਘਾਟ ਨੂੰ ਹੱਲ ਕਰਨ ਦੇ ਸਾਧਨ ਵਜੋਂ ਫੈਡਰਲਸਰਕਾਰ ਮਾਈਗ੍ਰੇਸ਼ਨ ‘ਤੇ ਸਾਲਾਨਾ ਸੀਮਾ ਨੂੰ ਹਟਾਉਣ ਉੱਤੇ ਵੀ ਵਿਚਾਰ ਕਰ ਰਹੀ ਹੈ। ਜਿਕਰਯੋਗ ਹੈ ਕਿ ਹਾਲ ਹੀ ਵਿੱਚ ਹੁਨਰ ਅਤੇ ਸਿਖਲਾਈ ਮੰਤਰੀ ਬ੍ਰੈਂਡਨ ਓ’ਕੌਨਰ ਨੇ ਆਸਟਰੇਲੀਆ ‘ਚ ਕਾਮਿਆਂ ਦੀ ਘਾਟ ਨੂੰ ਹੱਲ ਕਰਨ ਲਈ ਸਥਾਈਨਿਵਾਸ ਦੀ ਆਪਣੀ ਵਚਨਬੱਧਤਾ ਨੂੰ ਦੁਹਰਾਇਆ ਹੈ।

ਸ਼ਿਵ ਕੁਮਾਰ ਬਟਾਲਵੀ ਨੂੰ ਸਮਰਪਿਤ ਕਵੀ ਦਰਬਾਰ ਆਯੋਜਿਤ : ਲੇਖਕ ਸਭਾ ਬ੍ਰਿਸਬੇਨ

ਪੁਸਤਕ ‘ਢਲਦੇ ਸੂਰਜ ਦੀ ਦਾਸਤਾਨ’ ਲੋਕ ਅਰਪਿਤ; ਵਰਿੰਦਰ ਅਲੀਸ਼ੇਰ ਦਾ ਪਲੇਠਾ ਗੀਤ ‘ਪੁੱਤ ਪ੍ਰਦੇਸ ਗਏ’ ਦਾ…

ਟਿੱਕਟੌਕ ‘ਤੇ ਆਸਟਰੇਲਿਆਈ ਉਪਭੋਗਤਾ ਡਾਟਾ ਵਟਾਂਦਰੇ ਦਾ ਦੋਸ਼

(ਬ੍ਰਿਸਬੇਨ) ਇੱਥੇ ਸ਼ੈਡੋ ਸਾਈਬਰ ਸੁਰੱਖਿਆ ਮੰਤਰੀ ਜੇਮਸ ਪੈਟਰਸਨ ਦੇ ਇੱਕ ਪੱਤਰ ਦੇ ਜਵਾਬ ਵਿੱਚ ਸੋਸ਼ਲ ਮੀਡੀਆ ਪਲੇਟਫਾਰਮ ਟਿੱਕਟੌਕ ਨੇ ਮੰਨਿਆ ਕਿ ਕੰਪਨੀ ਦੇ ਚੀਨ-ਅਧਾਰਤ ਕਰਮਚਾਰੀ ਆਸਟਰੇਲਿਆਈ ਉਪਭੋਗਤਾ ਡਾਟਾ ਤੱਕ ਪਹੁੰਚ ਕਰਨ ਦੇ ਯੋਗ ਹਨ। ਟਿੱਕਟੌਕ ਅਨੁਸਾਰ ਚੀਨੀ ਸਾਈਬਰ ਸੁਰੱਖਿਆ ਕਾਨੂੰਨ ਸੋਸ਼ਲ ਮੀਡੀਆ ਕੰਪਨੀਆਂ ਨੂੰ ਜਾਣਕਾਰੀ ਸਰਕਾਰ ਤੱਕ ਸੌਂਪਣ ਲਈ ਮਜਬੂਰ ਕਰਦੇ ਹਨ। ਉੱਧਰ ਕੰਪਨੀ ਦੇਜਨਤਕ ਨੀਤੀ ਦੇ ਆਸਟਰੇਲਿਆਈ ਡਾਇਰੈਕਟਰ ਬ੍ਰੈਂਟ ਥਾਮਸ ਨੇ ਇਹਨਾਂ ਦੋਸ਼ਾਂ ਦਾ ਖੰਡਨ ਕਰਦਿਆਂ ਕਿਹਾ ਕਿ “ਅਸੀਂ ਕਦੇ ਵੀ ਚੀਨੀ ਸਰਕਾਰ ਨੂੰ ਆਸਟਰੇਲਿਆਈ ਉਪਭੋਗਤਾ ਡਾਟਾ ਪ੍ਰਦਾਨ ਨਹੀਂ ਕੀਤਾ ਅਤੇ ਨਾ ਹੀ ਸਰਕਾਰ ਨੇ ਇਸਦੀ ਕਦੇ ਮੰਗ ਕੀਤੀ ਗਈ ਹੈ। ਭਵਿੱਖ ਵਿੱਚ ਅਗਰ ਸਾਨੂੰ ਪੁੱਛਿਆ ਵੀ ਗਿਆ ਤਾਂ ਅਸੀਂ ਇਸਨੂੰ ਪ੍ਰਦਾਨ ਨਹੀਂ ਕਰਾਂਗੇ।” ਇਹ ਪੱਤਰ ਯੂਐਸ ਮੀਡੀਆ ਵਿੱਚ ਆਈਆਂ ਰਿਪੋਰਟਾਂ ਤੋਂ ਬਾਅਦ ਆਇਆ ਹੈ ਕਿ ਅਮਰੀਕੀ ਟਿੱਕਟੌਕ ਡਾਟਾ ਨੂੰ ਮੇਨਲੈਂਡ ਚੀਨ ਵਿੱਚ ਐਕਸੈਸ ਕੀਤਾ ਗਿਆ ਸੀ। ਸੈਨੇਟਰ ਪੈਟਰਸਨ ਨੇ ਫੈਡਰਲ ਸਰਕਾਰ ਨੂੰ ਆਪਣੇ 7 ਮਿਲੀਅਨ ਆਸਟਰੇਲਿਆਈ ਉਪਭੋਗਤਾਵਾਂ ਦੀ ਗੋਪਨੀਯਤਾ ਦੀ ਰੱਖਿਆ ਕਰਨ ਲਈ ਕਿਹਾ ਹੈ। ਖਜ਼ਾਨਚੀ ਜਿਮ ਚੈਲਮਰਸ ਨੇ ਟਿੱਕਟੌਕ ਉਪਭੋਗਤਾਵਾਂ ਨੂੰ ਇਸ ਆਨਲਾਈਨ ਵਰਤਾਰੇ ਬਾਰੇ ਸਾਵਧਾਨ ਰਹਿਣ ਲਈ ਕਿਹਾ ਹੈ। ਆਸਟਰੇਲਿਆਈ ਰਣਨੀਤਕ ਨੀਤੀ ਇੰਸਟੀਚਿਊਟ ਦੇ ਸਾਈਬਰ ਸੁਰੱਖਿਆ ਮਾਹਰ ਫਰਗਸ ਰਿਆਨ ਨੇ ਕਿਹਾ ਕਿ ਸੋਸ਼ਲ ਮੀਡੀਆ ਪਲੇਟਫਾਰਮ ਦੇ ਇਸ ਦਾਅਵੇ ‘ਤੇ ਵਿਸ਼ਵਾਸ ਨਹੀਂ ਕੀਤਾ ਜਾ ਸਕਦਾ ਹੈ ਕਿ ਉਹ ਬੀਜਿੰਗ ਨਾਲ ਡਾਟਾ ਸਾਂਝਾ ਨਹੀਂ ਕਰਦਾ ਹੈ। ਉਹਨਾਂ ਅਨੁਸਾਰ ਫੈਡਰਲ ਸਰਕਾਰ ਨੂੰ ਪਲੇਟਫਾਰਮ ‘ਤੇ ਪਾਬੰਦੀ ਲਗਾਉਣ ਦੀ ਬਜਾਏ ਸਖ਼ਤ ਨਿਯਮਾਂ ਨੂੰ ਪੇਸ਼ ਕਰਨ ‘ਤੇ ਵਿਚਾਰ ਕਰਨਾ ਚਾਹੀਦਾ ਹੈ ਅਤੇ ਚੀਨ ਤੋਂ ਰਾਜ-ਸੰਬੰਧਿਤ ਸਮੱਗਰੀ ਨੂੰ ਲੇਬਲ ਕਰਨਾ ਚਾਹੀਦਾ ਹੈ। ਦੱਸਣਯੋਗ ਹੈ ਕਿ ਆਸਟਰੇਲਿਆਈ ਟਿੱਕਟੌਕ ਡਾਟਾ ਯੂਐਸ ਅਤੇ ਸਿੰਗਾਪੁਰ ਦੇ ਸਰਵਰਾਂ ‘ਤੇ ਰੱਖਿਆ ਗਿਆ ਹੈ ਅਤੇ ਇਸਦੀ ਸੁਰੱਖਿਆ ਟੀਮ ਯੂਐਸ ਅਧਾਰਤ ਹੈ।

ਸਮਾਜ ਸੇਵੀ ਡਾ. ਬਰਨਾਰਡ ਮਲਿਕ ਵੱਕਾਰੀ ਪੁਰਸਕਾਰ ਨਾਲ ਸਨਮਾਨਿਤ

(ਬ੍ਰਿਸਬੇਨ)  ਆਸਟਰੇਲੀਆ ਦੇ ਸ਼ਹਿਰ ਬ੍ਰਿਸਬੇਨ ਦੇ ਸਮਾਜ ਸੇਵੀ ਡਾ. ਬਰਨਾਰਡ ਮਲਿਕ ਨੂੰ ਸਿਡਨੀ ਵਿਖੇ ਹੋਏ ਵਿਸ਼ੇਸ਼ ਸਮਾਗਮ ਦੌਰਾਨ ‘ਆਰਡਰ ਆਫ਼ ਦਿ ਨਾਈਟਸ ਆਫ਼ ਰਿਜ਼ਲ’ (ਨਾਈਟਹੁੱਡ ਐਵਾਰਡ) ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਨਾਈਟਹੁੱਡ ਦਾ ਇਹ ਸਨਮਾਨ ਫਿਲੀਪੀਨਜ਼ ਦੇ ਆਰਡਰਾਂ ਅਤੇ ਮੈਡਲਾਂ ਦੁਆਰਾ ਮਾਨਤਾ ਪ੍ਰਾਪਤ ਇੱਕ ਗਠਿਤ ਆਰਡਰ ਆਫ਼ ਮੈਰਿਟ ਹੈ, ਜੋ ਕਿ 1951 ਵਿੱਚ ਫਿਲੀਪੀਨਜ਼ ਪਾਰਲੀਮੈਂਟ ਦੁਆਰਾ ਸਥਾਪਿਤ ਕੀਤਾ ਗਿਆ ਸੀ। ਇਹ ਐਵਾਰਡ ਸਪੇਨ ਦੇ ਰਾਜਾ ਜੁਆਮ ਕਾਰਲੋਸ, ਫਿਲੀਪੀਨਜ਼ ਦੇ ਰਾਸ਼ਟਰਪਤੀ ਅਤੇ ਕੁੱਝ ਹੋਰ ਪ੍ਰਸਿੱਧ ਵਿਅਕਤੀਆਂ ਨੂੰ ਉਹਨਾਂ ਦੇ ਸਮਾਜ ਲਈ ਪਾਏ ਵਡਮੁੱਲੇ ਯੋਗਦਾਨ ਲਈ ਦਿੱਤਾ ਜਾ ਚੁੱਕਾ ਹੈ। ਦੱਸਣਯੋਗ ਹੈ ਕਿ ਸਮਾਜ ਸੇਵੀ ਡਾ. ਮਲਿਕ ਸਿੱਖਿਆ ਦੇ ਖੇਤਰ ‘ਚ ਸਫਲ ਕਾਰੋਬਾਰੀ, ਪ੍ਰਸਿੱਧ ਸਿੱਖਿਆ ਸਾਸ਼ਤਰੀ ਅਤੇ ਡਿਪਲੋਮੈਟ ਵੀ ਹਨ। ਸਮੂਹ ਭਾਈਚਾਰਿਆਂ ਵੱਲੋਂ ਡਾ. ਮਲਿਕ ਦੇ ਇਸ ਵੱਕਾਰੀ ਪੁਰਸਕਾਰ ਨੂੰ ਸਲਾਹਿਆ ਗਿਆ ਹੈ। 

ਪੰਜਾਬੀ ਸਭ ਤੋਂ ਤੇਜੀ ਨਾਲ ਵਧਣ ਵਾਲੀ ਭਾਸ਼ਾ ਵਜੋਂ ਉਭਰੀ: ਆਸਟਰੇਲੀਆ

ਕੌਮਾਂਤਰੀ ਪਾੜ੍ਹਿਆਂ ਅਤੇ ਹੁਨਰਮੰਦ ਪ੍ਰਵਾਸੀਆਂ ਨੇ ਭਾਸ਼ਾ ਤੇ ਭਾਈਚਾਰੇ ਨੂੰ ਕੀਤਾ ਮਜ਼ਬੂਤ (ਹਰਜੀਤ ਲਸਾੜਾ) ਆਸਟਰੇਲੀਆ ਵਿੱਚ ਭਾਸ਼ਾਈ ਵਿਭਿੰਨਤਾ ਵਿੱਚ ਵਾਧੇ ਅਤੇ ਮਰਦਮਸ਼ੁਮਾਰੀ2021 ਦੇ ਤਾਜਾ ਅੰਕੜਿਆਂ ਅਨੁਸਾਰ ਪਿਛਲੇ ਪੰਜ ਸਾਲਾਂ ਵਿੱਚ ਪੰਜਾਬੀ ਬੋਲਣ ਵਾਲਿਆਂ ਦੀ ਗਿਣਤੀ ਵਿੱਚ 2016 ਤੋਂ80 ਫੀਸਦੀ ਤੋਂ ਵੱਧ ਦਾ ਵਾਧਾ ਹੋਇਆ ਹੈ ਅਤੇ ਇਹ ਗਿਣਤੀ 239,000 ਤੋਂ ਵੱਧ ਹੋ ਗਈ ਹੈ। ਇਸਦਾ ਵੱਡਾ ਲਾਭਆਸਟਰੇਲੀਆ ਵਿੱਚ ਪੰਜਾਬੀ ਭਾਸ਼ਾਈ ਭਾਈਚਾਰੇ ਨੂੰ ਹੋਇਆ ਹੈ ਅਤੇ ਪੰਜਾਬੀ ਫਿਰ ਘਰਾਂ ਵਿਚ ਬੋਲੀ ਜਾਣ ਵਾਲੀ ਸਭਤੋਂ ਤੇਜ਼ੀ ਨਾਲ ਵਧਣ ਵਾਲੀ ਭਾਸ਼ਾ ਵਜੋਂ ਉਭਰੀ ਹੈ। ਦੱਸਣਯੋਗ ਹੈ ਕਿ ਦੇਸ਼ ਦੀ ਭਾਸ਼ਾਈ ਵਿਭਿੰਨਤਾ ਲਗਾਤਾਰ ਵਧ ਰਹੀ ਹੈਕਿਉਂਕਿ ਘਰਾਂ ‘ਚ ਅੰਗਰੇਜ਼ੀ ਤੋਂ ਇਲਾਵਾ ਕਿਸੇ ਹੋਰ ਭਾਸ਼ਾ ਦੀ ਵਰਤੋਂ ਕਰਨ ਵਾਲੇ ਲੋਕਾਂ ਦੀ ਗਿਣਤੀ 2016 ਤੋਂਤਕਰੀਬਨ 800,000 ਤੋਂ ਵਧ ਕੇ 5,663,709 (5.5 ਮਿਲੀਅਨ) ਹੋ ਗਈ ਹੈ। ਸਿੱਖ ਭਾਈਚਾਰੇ ਦੇ ਸਰਗਰਮਵਲੰਟੀਅਰ ਅਤੇ ਸਿੱਖ ਐਸੋਸੀਏਸ਼ਨ ਆਫ਼ ਵੈਸਟਰਨ ਆਸਟ੍ਰੇਲੀਆ (SAWA) ਦੇ ਮੈਂਬਰ ਤਰੁਣ ਪ੍ਰੀਤ ਸਿੰਘ ਨੇ ਇਸਜਨਗਣਨਾ ਦੇ ਨਤੀਜੇ ਨੂੰ ‘ਮਾਣ’ ਵਾਲਾ ਪਲ ਦੱਸਿਆ ਹੈ। ਉਹਨਾਂ ਅਨੁਸਾਰ ਸਾਡੇ ਕੌਮਾਂਤਰੀ ਪਾੜ੍ਹਿਆਂ ਅਤੇ ਹੁਨਰਮੰਦਪ੍ਰਵਾਸੀਆਂ ਨੇ ਆਸਟਰੇਲੀਆ ‘ਚ ਭਾਸ਼ਾ ਅਤੇ ਭਾਈਚਾਰੇ ਨੂੰ ਹੋਰ ਮਜ਼ਬੂਤ ਕੀਤਾ ਹੈ। ਇਹ ਆਸਟਰੇਲੀਆ ਵਿੱਚ ਪੰਜਾਬੀਅਤੇ ਸਿੱਖ ਭਾਈਚਾਰਿਆਂ ਲਈ ਇੱਕ ਵੱਡਾ ਪਲ ਹੈ। ਸ੍ਰੀ ਸਿੰਘ, ਜੋ ਆਸਟਰੇਲੀਆ ਵਿੱਚ ਸਿੱਖ ਇਤਿਹਾਸ ਦੀ ਖੋਜ ਵੀ ਕਰਰਹੇ ਹਨ, ਦਾ ਕਹਿਣਾ ਹੈ ਕਿ ਪੰਜਾਬੀ ਭਾਸ਼ਾ 150 ਸਾਲਾਂ ਤੋਂ ਵੱਧ ਸਮੇਂ ਤੋਂ ਆਸਟਰੇਲੀਆ ਦੀ ਧਰਤੀ ‘ਤੇ ਬੋਲੀ ਜਾਂਦੀ ਹੈ।

ਆਸਟਰੇਲੀਅਨ, ਉੱਚੀਆਂ ਬਿਜਲੀ ਕੀਮਤਾਂ ਲਈ ਤਿਆਰ ਰਹਿਣ: ਡੈਨੀਅਲ ਮੈਕਲੇਲੈਂਡ

ਸਰਕਾਰ ਵੱਲੋਂ 80 ਲੱਖ ਲੋਕਾਂ ਨੂੰ ਰੋਜ਼ਾਨਾ ਦੋ ਘੰਟੇ ਬਿਜਲੀ ਨਾ ਵਰਤਣ ਦੀ ਅਪੀਲ (ਬ੍ਰਿਸਬੇਨ) ਇੱਥੇ…

Install Punjabi Akhbar App

Install
×