ਆਸਟ੍ਰੇਲੀਆਈ ਆਂਕੜਾ ਵਿਭਾਗ ਦੇ ਤਾਜ਼ਾ ਆਂਕੜੇ ਦਰਸਾਉਂਦੇ ਹਨ ਕਿ ਇਸ ਮੌਜੂਦਾ ਸਮਿਆਂ ਅੰਦਰ ਜਦੋਂ ਕਿ ਉਦਿਯੋਗਿਕ ਇਕਾਈਆਂ ਕਰੋਨਾ ਕਾਲ ਦੀ ਮਾਰ ਤੋਂ ਉਭਰ ਚੁਕੀਆਂ ਹਨ ਅਤੇ ਇਸ ਸਮੇਂ ਆਰਜ਼ੀ ਕਰਮਚਾਰੀਆਂ ਦੀਆਂ ਹਫ਼ਤਾਵਾਰੀ ਆਮਦਨਾਂ ਵਿੱਚ ਵੀ ਵਾਧਾ ਹੋ ਚੁਕਿਆ ਹੈ ਅਤੇ ਮੌਜੂਦਾ ਸਮੇਂ ਵਿੱਚ ਉਕਤ ਆਮਦਨ 1250 ਡਾਲਰ ਪ੍ਰਤੀ ਹਫ਼ਤਾ ਤੱਕ ਪਹੁੰਚ ਗਈ ਹੈ। ਬੀਤੇ ਸਾਲ ਨਾਂਲੋਂ ਇਸ ਸਾਲ, ਇਸ ਵਿੱਚ 4.2% ਤੱਕ ਦੇ ਵਾਧੇ ਦੇ ਆਂਕੜੇ ਪੇਸ਼ ਕੀਤੇ ਜਾ ਰਹੇ ਹਨ।
ਬੀਤੇ ਤਿੰਨ ਸਾਲਾਂ ਦੌਰਾਨ ਅਜਿਹੇ ਕਾਮੇ ਜੋ ਕਿ 1000 ਡਾਲਰ (ਪ੍ਰਤੀ ਹਫ਼ਤਾ) ਤੋਂ ਘੱਟ ਕੰਮ ਕਰਦੇ ਹਨ ਦੀ ਸੰਖਿਆ ਵਿੱਚ ਕਾਫੀ ਗਿਰਾਵਟ ਆਈ ਹੈ।
ਆਂਕੜਿਆਂ ਵਿੱਚ ਇੱਕ ਹੋਰ ਦਿਲਚਸਪ ਗੱਲ ਇਹ ਦੇਖਣ ਨੂੰ ਮਿਲ ਰਹੀ ਹੈ ਕਿ ਆਰਜ਼ੀ ਕਰਮਚਾਰੀਆਂ ਵਿੱਚ ਮਹਿਲਾਵਾਂ ਦੀ ਪ੍ਰਤੀ ਹਫ਼ਤਾ ਆਮਦਨ ਵਿੱਚ 62 ਡਾਲਰਾਂ (4.5%) ਦਾ ਵਾਧਾ ਹੋਇਆ ਹੈ ਜਦੋਂ ਕਿ ਆਰਜ਼ੀ ਤੌਰ ਤੇ ਕੰਮ ਕਰਦੇ ਪੁਰਸ਼ ਕਰਮਚਾਰੀਆਂ ਦੀਆਂ ਪ੍ਰਤੀ ਹਫ਼ਤਾ ਤਨਖਾਹਾਂ ਅਤੇ ਮਿਹਨਤਾਨਿਆਂ ਆਦਿ ਵਿੱਚ 60 ਡਾਲਰ (3.9%) ਦਾ ਇਜ਼ਾਫ਼ਾ ਹੋਇਆ ਹੈ। ਪਰੰਤੂ ਇਸ ਦੇ ਨਾਲ ਸੱਚਾਈ ਇਹ ਵੀ ਹੈ ਕਿ ਮਹਿਲਾਵਾਂ ਦੀ ਪ੍ਰਤੀ ਹਫ਼ਤਾ ਹਾਲੇ ਵੀ ਆਮਦਨ 1442 ਡਾਲਰ ਹੈ ਜਦੋਂ ਕਿ ਪੁਰਸ਼ਾਂ ਦੀ ਇਹੀ ਆਮਦਨ 1600 ਡਾਲਰ ਹੈ।