ਨਿਊਯਾਰਕ, 19 ਮਾਰਚ (ਰਾਜ ਗੋਗਨਾ )- ਬੀਤੀ ਰਾਤ ਰਾਤ ਦੇ ਤਿੰਨ ਵਜੇ ਦੇ ਕਰੀਬ ਅਮਰੀਕਾ ਦੇ ਸੂਬੇ ਫਲੋਰੀਡਾ ਵਿੱਚ ਇੱਕ ਭਿਆਨਕ ਵਾਪਰੇ ਸੜਕ-ਕਾਰ ਹਾਦਸੇ ਚ’ ਇਕ ਪਰਿਵਾਰ ਦੇ ਤਿੰਨ ਮੈਂਬਰਾਂ ਦੀ ਮੋਤ ਹੋ ਜਾਣ ਬਾਰੇ ਮੰਦਭਾਗੀ ਖ਼ਬਰ ਸਾਹਮਣੇ ਆਈ ਹੈ।ਜਿਸ ਵਿੱਚ ਵਾਪਰੇ ਕਾਰ ਸੜਕ ਹਾਦਸੇ ਵਿੱਚ ਤੇਲੰਗਾਨਾ ਦੇ ਤਿੰਨ ਲੋਕਾਂ ਦੀ ਮੌਤ ਹੋ ਗਈ।ਅਤੇ ਹੋਰ ਦੋ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਪਰ ਉਹ ਜਾਨੋ ਬਚ ਗਏ।ਮਾਰੇ ਗਏ ਤਿੰਨ ਲੋਕ ਇੱਕੋ ਹੀ ਪਰਿਵਾਰ ਦੇ ਸਨ ।
ਮ੍ਰਿਤਕਾਂ ਦੀ ਪਛਾਣ ਪ੍ਰਣੀਤਾ ਰੈੱਡੀ (35), ਉਸ ਦਾ ਪੁੱਤਰ ਅਰਵਿੰਦ (6) ਅਤੇ ਉਸ ਦੀ ਸੱਸ ਸੁਨੀਤਾ (56) ਸਾਲ ਦੇ ਵਜੋਂ ਹੋਈ ਹੈ। ਇਹ ਸਾਰੇ ਭਾਰਤ ਦੇ ਤੇਲੰਗਾਨਾ ਦੇ ਰੰਗਾਰੇਡੀ ਜ਼ਿਲ੍ਹੇ ਦੇ ਕੋਂਡੁਰਗ ਮੰਡਲ ਦੇ ਟੇਕੁਲਾਪੱਲੀ ਤੋਂ ਸਨ।ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਪ੍ਰਣੀਤਾ ਰੈਡੀ, ਰੋਹਿਤ ਰੈਡੀ ਅਤੇ ਦੋ ਬੱਚੇ ਆਪਣੀ ਮਾਸੀ ਸੁਨੀਤਾ ਨਾਲ ਕਾਰ ਵਿੱਚ ਯਾਤਰਾ ਕਰ ਰਹੇ ਸਨ। ਪ੍ਰਣੀਤਾ ਰੈੱਡੀ, ਉਸਦਾ ਵੱਡਾ ਪੁੱਤਰ ਹਰਵੀਨ ਅਤੇ ਸੁਨੀਤਾ ਮੌਕੇ ‘ਤੇ ਹੀ ਮਾਰੇ ਗਏ। ਰੋਹਿਤ ਰੈਡੀ ਅਤੇ ਉਸ ਦੇ ਛੋਟਾ ਪੁੱਤਰ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਪਰ ਉਹ ਜਾਨ ਤੋ ਬਚ ਗਏ। ਹਾਦਸੇ ਸਮੇਂ ਰੋਹਿਤ ਰੈੱਡੀ ਕਾਰ ਚਲਾ ਰਿਹਾ ਸੀ।