(ਫ਼ਾਈਲ ਫੋਟੋ :- ਸ੍ਰੀਨਿਵਾਸ ਕੁਚੀਭੋਤਲਾ)
(ਫ਼ਾਈਲ ਫੋਟੋ :- ਸ੍ਰੀਨਿਵਾਸ ਕੁਚੀਭੋਤਲਾ)

ਵਾਸ਼ਿੰਗਟਨ -ਅਮਰੀਕਾ ਦੇ ਸੂਬੇ ਕੰਸਾਸ ਸਿਟੀ ਚ’ ਇਕ ਹੈਦਰਾਬਾਦ ( ਆਧਰਾ ਪ੍ਰਦੇਸ਼) ਨਾਲ ਸਬੰਧਤ ਇਕ ਭਾਰਤੀ ਇੰਜੀਨੀਅਰ ਕੁਚੀਭੋਤਲਾ ਦੀ ਫ਼ਰਵਰੀ 2017 ਚ’ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ। ਇਕ ਸਾਲ ਬਾਅਦ ਉਨ੍ਹਾਂ ਦੇ ਕਾਤਲ ਐਡਮ ਪਿਊਰਿੰਟਨ ਨੂੰ ਦੋਸ਼ੀ ਪਾਇਆ ਗਿਆ ਅਤੇ ਅਮਰੀਕੀ ਅਦਾਲਤ ਨੇ ਉਸ ਨੂੰ 50 ਸਾਲ ਜੇਲ ਦੀ ਸਜ਼ਾ ਸੁਣਾਈ ਹੈ। ਬੀਤੇ ਸਾਲ ਐਡਮ ਨੇ ਗੋਲੀ ਚਲਾਉਣ ਮਗਰੋਂ ਆਪਣੇ ਅਪਰਾਧ ਨੂੰ ਵੀ ਅਦਾਲਤ ਚ’ ਕਬੂਲ ਕਰ ਲਿਆ ਸੀ। ਭਾਰਤੀ ਨੌਜਵਾਨ ਸ਼੍ਰੀਨਿਵਾਸ ਕੁਚੀਭੋਤਲਾ ਦੀ ਮੌਤ 22 ਫਰਵਰੀ 2017 ਨੂੰ ਹੋਈ ਸੀ। ਗੋਲੀਬਾਰੀ ਵਿਚ ਸ਼੍ਰੀਨਿਵਾਸ ਦਾ ਦੋਸਤ ਆਲੋਕ ਮਡਸਾਨੀ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ ਸੀ। ਇਸ ਗੋਲੀਬਾਰੀ ਵਿਚ ਇਆਨ ਗ੍ਰੀਲੋਟ ਨਾਂ ਦਾ ਇਕ ਅਮਰੀਕਨ ਵਿਅਕਤੀ ਵੀ ਜ਼ਖਮੀ ਹੋ ਗਿਆ ਸੀ। ਅਦਾਲਤ ਦੀ ਸੁਣਵਾਈ ਦੌਰਾਨ ਗਵਾਹਾਂ ਨੇ ਦੱਸਿਆ ਕਿ ਐਡਮ ਪਿਉੂਰਿੰਟਨ ਗੋਲੀਬਾਰੀ ਕਰਦਿਆਂ ਕਹਿ ਰਿਹਾ ਸੀ ‘ਮੇਰੇ ਦੇਸ਼ ਵਿਚੋਂ ਬਾਹਰ ਨਿਕਲ ਜਾਓ’। ਜਦੋਂ ਐਡਮ ਨੂੰ ਸਜ਼ਾ ਸੁਣਾਈ ਗਈ, ਉਦੋਂ ਸ਼੍ਰੀਨਿਵਾਸ ਕੁਚੀਭੋਤਲਾ ਦੀ ਪਤਨੀ ਸੁਨੈਨਾ ਦੁਮਾਲਾ ਅਦਾਲਤ ਵਿਚ ਮੌਜੂਦ ਨਹੀਂ ਸੀ।