IMG-20180306-WA0007
ਮੈਲਬੌਰਨ : ਖੱਖ ਪ੍ਰੋਡਕਸ਼ਨਜ਼ ਅਤੇ ਮਾਈਗਰੇਸ਼ਨਜ਼ ਐਂਡ ਐਜੁਕੇਸ਼ਨ ਵਲੋਂ ਵਿਲੀਅਮਸਟਾੳੂਨ ਵਿਖੇ “ਮੇਲਾ ਮੇਲੀਆਂ ਦਾ” ਕਰਵਾਇਆ ਗਿਆ। ਗਾੲਿਕੀ ਦੇ ੲਿਸ ਅਖਾੜੇ ਵਿੱਚ ਹਰਮਨ ਪਿਅਾਰੇ ਗਾਇਕ ਤੇ ਅਦਾਕਾਰ ਰਵਿੰਦਰ ਗਰੇਵਾਲ,ਜੋਰਡਨ ਸੰਧੂ, ਬੰਟੀ ਬੈਂਸ ਤੇ ਹਰਸੀਰਤ ਕੌਰ ਨੇ ਖੂਬ ਰੰਗ ਬੰਨਿਆ। ੲਿਸ ਮੌਕੇ ਤੇ ਪੰਜਾਬੋਂ ਪਹੁੰਚੇ ਕਾਲਾਕਾਰਾਂ ਤੋ ੲਿਲਾਵਾ ਸਥਾਨਕ ਗਾਇਕਾਂ  ਅੰਗਮਜੋਤ ਰੰਧਾਵਾ ਤੇ ਸੋਨੀ ਢਿੱਲੋਂ  ਨੇ ਵੀ ਆਪਣੇ ਗੀਤਾਂ ਰਾਹੀਂ ਹਾਜਰੀ ਭਰੀ। ਜੋਰਡਨ ਸੰਧੂ ਤੇ ਬੰਟੀ ਬੈਂਸ  ਤੇ ਹਰਸੀਰਤ ਨੇ ਆਪਣੇ ਚਰਚਿਤ ਗੀਤਾਂ ਨਾਲ ਦਰਸ਼ਕਾਂ ਦਾ ਖੂਬ ਮਨੋਰੰਜਨ ਕੀਤਾ। ਰਵਿੰਦਰ ਗਰੇਵਾਲ ਨੇ ਆਪਣੇ ਨਵੇ ਪੁਰਾਣੇ ਗੀਤਾਂ ਨਾਲ ਚੰਗਾ ਰੰਗ ਬੰਨਿਅਾ । ਜੋਰਡਨ ਸੰਧੂ ਤੇ ਰਵਿੰਦਰ ਗਰੇਵਾਲ ਵਲੋ ਮਿਲਕੇ ਗਾਏ ਗੀਤ ਨੂੰ ਦਰਸ਼ਕ ਨੇ ਰੂਹ ਨਾਲ ਸੁਣਿਅਾ। ਦਲਜੀਤ ਸਿੱਧੂ ਵਲੋਂ ਮੰਚ ਦੀ ਜਿੰਮੇਵਾਰੀ ਸੰਭਾਲੀ ਗੲੀ। ੲਿਸ ਸਾਰੇ ਸਮਾਗਮ ਨੂੰ ਕਾਮਯਾਬ ਕਰਨ ਦੇ ਲਈ ਲਵ ਖੱਖ ,ਸਾਬੀ ਸਿੰਘ, ਅਰਸ਼ ਖੱਖ ਤੇ ਚਮਨਪ੍ਰੀਤ ਸਿੰਘ ਦਾ ੳੁਚੇਚਾ ਯੋਗਦਾਨ ਰਿਹਾ।
 ਪੰਜਾਬੀ ਪ੍ਰੈਸ ਕਲੱਬ ਮੈਲਬੌਰਨ ਨਾਲ ਗੱਲਬਾਤ ਕਰਦਿਆਂ ਰਵਿੰਦਰ ਗਰੇਵਾਲ ਨੇ ਕਿਹਾ ਕਿ ਪੰਜਾਬ ਵਿੱਚ ਪਰਿਵਾਰਿਕ ਗਾਇਕੀ ਨੂੰ ਪ੍ਰੌਤਸਾਹਿਤ ਕਰਨ ਦੇ ਲਈ ਜੋ ਸਰਕਾਰ ਵੱਲੋਂ ਪੁਲਿਸ ਦੇ ਸਹਿਯੋਗ ਨਾਲ  ਮੁੰਹਿਮ ਛੇੜੀ ਹੋਈ ਹੈ ਉਹ ਸਲਾਹੁਣਯੋਗ ਹੈ। ੳੁਹਨਾਂ ਨੇ ਲੋਕਾਂ ਨੂੰ ਚੰਗਾ ਸੁਣਨ ਤੇ ਗਵੱੲੀਅਾਂ ਨੂੰ ਚੰਗਾ ਗਾੳੁਣ ਦੀ ਲੋੜ ਤੇ ਜੋਰ ਦਿੱਤਾ।